Landbrukskontoret er resultateining for jordbruk, skogbruk og viltforvaltning for det interkommunale 
samarbeidet mellom Askvoll, Hyllestad og Fjaler kommune. Askvoll kommune er vertskommunen 
for etaten, med tilsaman 5 stillingsheimlar.

Landbrukssjefen er verksemdsleiar, og rapporterer til rådmannen i Askvoll kommune. I tillegg har 
landbrukskontoret ansvar for veterinærvaktordninga i Askvoll, Hyllestad og Fjaler vaktområde.

Vår noverande landbrukssjef går av med pensjon, og vi søker erstattaren hans.

Arbeidsoppgåver
• Administrativ og fagleg leiar og arbeidsgjevar for dei tilsette i eininga
• Effektiv forvaltning av tildelte økonomiske ressursar i høve budsjett og økonomireglement
• Ansvarleg for utvikling og gjennomføring av kommunal landbruksstrategi og gjennomføring av 
  pålagt forvaltning av statleg landbrukspolitikk i høve lover, forskrifter, jordbruksavtala m.m.
• Leie endringsprosessar knytt til kommunestruktur og evt framtidig organisering av landbrukskontoret

Kvalifikasjonar

• Landbruksfagleg utdanning på høgskulenivå
• Bør ha erfaring med offentleg landbruksforvaltning og tidlegare leiarerfaring
• Ha kompetanse på personalleiing og økonomistyring

Utdanningsretning

• Landbruk / Skogbruk

Personlige eigenskapar

• Vere resultatbevisst, strategisk og ha gode samarbeids- og kommunikasjonsevner.
• Evne til omstilling og nytenking

Vi tilbyr

• Lønn etter avtale
• Ein spennande og utfordrande jobb i eit godt arbeidsmiljø

Ein må rekne med litt reiseverksemd mellom lokasjonane, og det er difor ei føremon å ha førarkort klasse B

Ved eventuell interntilsetjing kan det verte ledig 100% fast stilling som fagkonsulent. 
Ver venleg å informere om du ønskjer å stå som søkjar på begge deler eller berre som landbrukssjef.