Ledig årsvikariat for vernepleiar/sjukepleiar frå mars 2024, med moglegheit for forlenging.

• Stillinga er knytt til Kalhagen bufellesskap og ambulante tenester i Norheimsund, som gjev tenester til mennesker med utviklingshemming
• Me vil gje gode tenester med fokus på målretta miljøarbeid og ynskjer å legga til rette for trivsel og utvikling i eigen bustad.
• Arbeidstidsordninga vår er todelt turnus med tidlegvakt/seinvakt og arbeid kvar 3.helg.

Arbeidsoppgåver

• Oppfølging av brukar sitt behov for hjelp og omsorg
• I tillegg til pleie er ein del av arbeidet administrative oppgåver som t.d protokollføring etter helse og omsorgstenestelova kap. 9, kartlegging og arbeid med indivduell plan
• Samarbeid med interne og eksterne støtteapparat
• Legemiddelhandtering med til dømes dosering, medikamentadministrering og ansvar for medisinrom
• Kartlegging

Kvalifikasjonar

• Me ynskjer oss ein medarbeidar med god fagkompetanse og eit sterkt engasjement, med fokus på miljøarbeid
• Autorisert vernepleiar/sjukepleiar
• Det er ynskjeleg med relevant erfaring frå brukargruppa
• Førarkort klasse B
• Vera ein solid fagperson som bidreg til utviklinga av eit godt arbeids- og fagmiljø
• God kjennskap til lovverket i helse og omsorgstenestelova kap. 9.
• Gode norskkunnskapar skriftleg og munnleg

Alle som yter tenester etter helse og omsorgstenestelova skal levera politiattest før tiltreding, jf. helse og omsorgstjenestelova § 5-4 og helsepersonellova § 20a.

Personlege eigenskapar

• Solid fagleg forankring og god gjennomføringsevne
• Evne til både sjølvstendig arbeid og i team
• Lojal mot avgjerder som vert tatt i arbeidsgruppa
• har gode kommunikasjonsevner

Vi tilbyr

• Spanande, utfordrande og varierte arbeidsoppgåver
• Eit godt og inkluderande fagmiljø med vekt på utvikling
• Tid til fagleg refleksjon og rettleiing
• Leiarar som ser heilskap
• Tverrfagleg samarbeid
• Løn etter gjeldande tariffavtale og lokalt lønssystem
• Gode offentlege pensjons- og forsikringsvilkår

Generell informasjon

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn.

Kvam herad ønskjer å inkludera og leggja til rette for personar med nedsett funksjonsevne.I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.