Eining for teknisk drift har ansvar for drift og vedlikehald av kommunale eigedommar, vegar, vass- og avløpsanlegg, og reinhaldet i kommunen. Eining for teknisk drift er ei sørvisretta verksemd som held til i lokala til BKK på Frøland. Samnanger kommune har ledig 100 % stilling i driftsavdeling med særskilt ansvar for kyrkjegard og grøntanlegg ved eining for teknisk drift.

 Arbeidsoppgåver:

• Drift og vedlikehald av kyrkjegard, kommunale bygningar og uteområde/parkar
• Drift og vedlikehald av vegar og gatelys
• Drift og vedlikehald av idrettsanlegg og baseng
• Kvalitetssikring, internkontroller og aviksrapportering
• Kan bli mulig å inngå i kommunen sine beredskapsplanar med teknisk vakt, brøytevakt og ev brannvakt
• Andre arbeidsoppgåvar innenfor fagfelta kan bli tillagt stillinga

Kvalifikasjonar:

• Fagbrev innan relevante fagområder
• Har relevant erfaring frå arbeidslivet
• Har grunnleggjande datakunnskapar
• Har førarkort, min kl B

Personlege eigenskapar:

• Må kunna forhalda seg til kommunens innbyggjarar
• Kan arbeida sjølvstendig og kan lett tilegna seg nye oppgåver
• Er initiativrik og likar å halda seg fagleg oppdatert
• Har ei strukturert arbeidsform
• Trivst med fysisk arbeid
• Personlege eigenskapar vert vektlagde. Personen me søkjer må vere samarbeidsviljug og ha dei personlege eigenskapane me ser etter

Me tilbyr:

• Lønn, offentleg pensjon og arbeidsvilkår etter gjeldande lov- og avtaleverk
• Gunstig pensjonsordning, yrkesskade- og gruppelivsforsikring
• Eit godt og inkluderande arbeidsmiljø
• Tilsette blir meldt inn i KLP, og med offentleg tenestepensjon får dei ein av Norges beste pensjonsordningar. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring

Me ønsker eit arbeidsmiljø prega av mangfold, og at våre tilsette skal gjenspeigla befolkninga forøvrig. Me oppfordrar alle som er kvalifisert til å søke jobb hjå oss uansett alder, funksjonsevne, kjønn eller minoritetsbakgrunn. Me legg vekt på å leggja til rette arbeidsforholda dersom du har behov for det. 

Me gjer merksam på at søkjarlister til stillingar i kommunen er offentlege, jf. § 25 i offentleglova. Opplysningar om søkjaren kan verta gjort offentlege sjølv om søkjaren har oppmoda om ikkje å bli ført opp på søkjarlista. I slike tilfelle vil søkjaren verta varsla på førehand, slik at han/ho har moglegheit til å trekkja søknaden.

Som tilsett i Samnanger kommune vil du bli innmeldt i KLP sin pensjonsordning. KLP tilbyr pensjon, bank og forsikringstenester og er Norges største pensjonsselskap.