Er du sjukepleiar og søkjer nye utfordringar?

Me søkjer sjukepleiar til 70 % fast stilling frå snarast. Stillinga har turnus fordelt på dag/kveld med arbeid kvar 3. helg.

• Tolo omsorg har 32 leiligheiter og er lokalisert nær sentrum i Norheimsund
• Målet vårt er å gje eit heilheitleg tilbod til bebuarane våre slik at dei opplever gode helse og omsorgstenester
• Me har fokus på ernæring og vektlegg trivelege rammer rundt måltida

Meir informasjon om omsorgsbustadane: Tolo omsorg

Arbeidsoppgåver

• Dagleg arbeid i avdelinga med bebuarane
• Medisinsk oppfølging mot legetenesta og spesialisthelsetenesta o.l.
• Tverrfagleg samarbeid med hjelpemiddellager, fysioterapi- og ergoterapitenesta
• Dosering og administrering av medikament i dosett og multidose
• Kommunikasjon og samarbeid med bebuarar og pårørande
• Primæransvar for bebuarar

Kvalifikasjonar

• Offentleg godkjend sjukepleiar (norsk autorisasjon). Dersom det ikkje søkjer sjukepleiar vert det opna opp for at andre med 3-årig helsefagleg utdanning kan søkja
• Gode norskkunnskapar, munnleg og skriftleg

- Alle som yter tenester etter Helse og omsorgslova skal levera politiattest. Den som vert tilsett må derfor legga fram politiattest av ny dato, denne skal ikkje leggast ved søknaden.

- Ved tilsetjing skal det leggast fram vitnemål og attestar.

Personlege eigenskapar

• Serviceinnstilt og engasjert
• Fleksibel og løysingsorientert
• Lika utfordringar i arbeidet
• Interessa for arbeid med menneske med ulike utfordringar
• Samarbeidsvillig og gode kommunikasjonsevner
• Møta andre på ein respektfull og open måte
• Du må arbeida sjølvstendig men og som del av arbeidsgruppa

Vi tilbyr

• Eit godt fagmiljø
• Eit godt arbeidsmiljø
• Løn etter gjeldande tariffavtale og lokalt lønssystem
• Som sjukepleiar/vernepleiar i heil stilling får du rekrutteringstillegg med 25 000,- pr år (forhaldsmessig ved deltid)
• Gode pensjons-/ og forsikringsordningar
  
  

Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.