Er du på jakt etter ein spennande arbeidskvardag med stor fleksibilitet i turnus? Då kan du vere den vi søker!

 

Om stillinga
Stillinga er plassert i heimesjukepleie. Arbeidskvardagen vil vere variert med ulike sjukepleiarfaglege oppgåver, og med høgt fokus på pasientsikkerheit. Vi jobbar ut ifrå ein tanke om at det meste av behandling kan gjennomførast i heimen, og vi utfører oppgåver som tidligare har vore gjennomført i sjukehus og anna institusjon. Aukra kommune driftar òg legevaktssatellitt, og som tilsett sjukepleiar vil du vere med på den daglege drifta av satellitten. Vi har eit tett samarbeid med institusjonsteneste når det gjeld bruk av sjukepleiefagleg kompetanse og vi arbeider på tvers av einingar ved behov.

Stillinga er plassert i turnus. Vi er igang med å innføre alternative turnusordninger for den som måtte ønskje det. Eit eksempel på ei slik ordning kan vere at du arbeider lengre vakter over ei periode, får å kunne opparbeide deg lengre samanhengande friperioder.

Kven søkjer vi
Vi søkjer deg som er autoriset sjukepleiar. Du må vere ein sjukepleiar som likar å arbeide i team, og som ikkje er redd for å ta ansvar og finne kreative og gode løysningar på utfordringar som måtte oppstå. Du må ha evne til å sette deg inn i nye prosedyrer.
Det er ein fordel om du har erfaring frå somatikk og geriatri. Du må ha høg gjennomføringsevne og evne til å sjølv planlegge arbeidsdagen din på ein strukturert måte.

Andre kvalifikasjonar
• Minimum bachelorutdanning
• God kompetanse på relasjonsbygging og kommunikasjon
• Du må beherske norsk, både munnleg og skriftleg
• Du har god evne til å rettleie brukarar, tilsette og studentar
• Du arbeider for å fremme kvardagsrehabilitering og eigenmestring
• Du har interesse for velferdsteknologi
• Personleg eignaheit

Vi tilbyr

*  Rekrutteringsløn
• Eit godt arbeidsmiljø med motiverte og dyktige tilsette
• Ein arbeidsplass med ambisjonar om å halde eit høgt fagleg nivå og ha kvalitet på tenestene
• Ein spennande arbeidskvardag med varierte og utfordrande kliniske arbeidsoppgåver
• Gode pensjons- og forsikringsordningar gjennom KLP
• Tilbod om fleksibilitetstillegg på kr. 50 000,- per år i full stilling under faste føresetnader
• Ei eining med fokus på innovative løysningar og bruk av velferdsteknologi
• Nye og fine arbeidslokaler
• Kommunale tenestebilar
• Moglegheit for personleg utvikling
• Stønad til vidare- og etterutdanning gjennom kommunens sitt utdanningsfond
• Som nytilsett får du grundig opplæring og god oppfølging av medarbeidarar og avdelingsleiar gjennom fadderordning

Særskilte krav
Det vert stilt krav om politiattest ved tiltreding 

Prøvetid
Gjensidig effektiv prøvetid på 6 månader

Søkjarliste
Om du ønsker å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentleggjort sjølv om du har bedt om ikkje å bli oppført på søkarlista, jfr. Offentleglova § 25. Du blir varsla dersom ønsket om reservasjon ikkje vert tatt til følge.

Om du har spørsmål knytt til stilling eller turnusordningar ta kontakt med avdelingsleiar Malene Lillebostad eller einingsleiar Nina Tomren.