Leat go don min mánáid supersáŋgár?

Mis leat čuovvovaš virggit rabhpsat Guovssahas mánáidgárddis:
2 fásta virggi pedagogalaš jođiheaddjin
1 fásta virgi mánáidgárdeoahpaheaddjin

Buot virggit leat rabas farggamusat.

Kvalifikasjoner:

• Lea dohkkehuvvon mánáidgárdeoahpaheaddjeoahppu dahje vástideaddji, dahje loahpahat oahpu giđđat 2022
• Máhtát sámegiela ja beroštat sámi kultuvrras.
• Vásáhus mánáidgárdebarggus.

Personlige egenskaper:

• Áŋgirušat sámegiela ja kultuvrra hárrái, ja leat buorre ovdagovva.
• Leat kreatiiva ja ozat čovdosiid.
• Leat návccat dagahit buriid gaskavuođaid gaskkal mánáid ja ollesolbmuid.
• Oainnát ovdamuni bargat joavkkus, muhto sáhtát maid bargat iešheanalaččat.
• Ovttasbarggat buohkaiguin ja oainnát mánáidgárddi ollislaččat
• Loavttat aktiivvalaš árgabeaivvis, aktivitehtaiguin olgun ja siste.
• Persovnnalaš dohkalašvuohta dettuhuvvo virgáibidjamis

Mii leat jearran mánáin, ja sii sávvet du gii:

• Liikot stoahkat.
• Liikot iskat áššiid ovttas mánáiguin.
• Liikot čierastallat mánáiguin.
• Liikot guldalit earáid.
• Veahkehat, doalat min čalmmis, jeđđet go lea váivi.
• Leat čeahppi čálihit PCain, ja máhtát dasa lassin dahkat dola.

Vi tilbyr:

• Buori ja gelddolaš bargobirrasa.
• Fágalaš ovdáneami ja bagadallama buot aitto oahppan pedagogaide.
• Veahkkin háhkat ásodaga (almmuhusa bokte).
• Fárrengoluid máksit.
• Giellalasáhus bálkái.
• Heiveheapmi / doarjja oahpuide.
• Rekruterenstipeanda.
• Fitnodatdearvvašvuođabálvalus.
• Virggit bálkáhuvvojit váldotariffašiehtadusaid ja báikkálaš šiehtadusaid mielde.
• Buorit penšuvdna- ja dáhkádusortnegat.

Eará

• Virgáibidjan dáhpáhuvvá gustovaš lágaid, njuolggadusaid ja tariffašiehtadusaid vuođu.
• Mii fuomášahttit ahte ohccit sáhttet biddjot almmolaš ohccilistui, vaikko ohcci leažžá bivdán anonymitehta. Don oaččut de dieđu dien birra.
• Go virgáduvvo, de ferte leat gustovaš politiijaduođaštus Mánáidgárdelága § 30 ektui ovdal álgá virgái.
• Ohcan sáddejuvvo elektrovnnalaččat Webcruiter bokte.
  

Máhtát go dahkat magihkalaš goansttaid min mánáide beaivválaččat? De leat don dat pedagoga gean mii háliidit.