Ledig stilling

Utgått annonse

Søknadsfristen for denne jobbmuligheten er passert

Hordaland fylkeskommune

Rådgjevarar innan arealplan - forvaltning Bergensområdet 

Offentlig forvaltning - Fylkeskommunale etater

Avdeling for infrastruktur og veg skal:
- gjennomføre planlegging, utbygging, drift og vedlikehald av om lag 5600 km fylkesveg
- ivareta fylkeskommunen sine forvaltningsoppgåver som vegeigar
- samordne aktørar med ansvar for trafikksikring i fylket
- ivareta heilskapleg utbygging av transportinfrastruktur i arbeidet med Nasjonal transportplan
- ha naudsynt beredskap i samband med hendingar på vegnettet

Stillingane er lagt til seksjon for forvaltning og utgreiing og eininga «forvaltning Bergensområdet». Denne eininga vil ha omlag 15 tilsette.

Hovudoppgåva til stillingane er å delta i fylkeskommunen si oppfølging av arealplanlegginga i kommunane og handsaming av søknader etter veglova. I samarbeid med andre avdelingar i fylkeskommunen vil rådgjevarene gje innspel og formelle uttalar til offentlege og private planar som får konsekvensar for veg og transport på fylkesvegar. Du vil óg fatte vedtak i avkøyrsle- og byggegrensesaker etter veglova. Oppgåver knytt til arbeidsvarsling og graveløyve, samt andre forvaltningsoppgåver kan også vere aktuelle.

Stillinga inneber mykje ekstern kontakt, både mot offentlege etatar, konsulentar og private utbyggjarar. Stillinga inneber også ei koordinering av fylket sin eige planarbeid med kommunale og private planarbeid. Arbeidsstad er Bergen. Tilsetting 1. januar 2020, men det kan vere aktuelt med glidande overgang.

 

Arbeidsoppgåver
  • forvaltningsoppgåver, inkl. søknader etter veglova
  • innspel og formelle uttalar til offentlege og private planar
  • å sikre god samhandling med seksjonane på avdelinga og andre avdelingar i fylkeskommunen, t.d. i samband med planuttalar
Kvalifikasjonar
  • Relevant høgare utdanning fra universitet eller høgskule (t.d. ingeniør, arealplanleggar, samfunnsgeograf, jurist)
  • erfaring frå offentleg forvaltning er ønskjeleg
  • erfaring med veg-, transport- og arealplanlegging er ønskjeleg 
  • kjennskap til lovverk som veglova og plan- og bygningslova
  • førarkort klasse B er ønskjeleg
Personlege eigenskapar
  • sjølvstende
  • gode kommunikasjonsevner, munnleg og skriftleg,
  • Formidlingsevne,  både internt og eksternt.
  • løysningsorientert 
  • Interessert i fagleg utvikling og kunnskapsdeling
  • gjennomføringsevne
  • evne til å skape tillit og aksept
Vi tilbyr
  • spanande arbeidsoppgåver og gode vilkår for fagleg utvikling
  • løn etter avtale
  • gode forsikrings- og pensjonsvilkår
  • fleksibel arbeidstid

Andre opplysningar:

  • administrasjonsmålet i Vestland fylkeskommune er nynorsk
  • alle nye tilsettingar vert gjort med ei prøvetid på 6 månader
  • namna på stillingane i den nye fylkeskommunen er ikkje endeleg avklara slik at det kan skje endringar
  • vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.
 

Karriere.no for bedrifter

Med KarriereCruiter finner du de flinkeste folka på 1-2-3

  • 1Legg ut ledig jobb
  • 2 Velg riktig annonsering
  • 3 Ta imot kandidater

Les mer