Om du vil bli lærling i Aukra kommune, kan vi tilby relevante oppgåver innan ditt fagfelt, tett og god oppfølging undervegs, og eit godt arbeidsmiljø der vi gir plass for alle!

Frå hausten 2025 har vi behov for lærlingar i desse faga ;

• Helsearbeidar
• Barne- og ungdomsarbeidar

Pleie og omsorg

Pleie og omsorg i Aukra kommune treng fleire helsefagarbeidarar. Når du vel å bli helsefagarbeidar kan du arbeide ved Aukra Omsorgssenter med eldre, i heimesjukepleie og ved Bergtun Bufellesskap. Bergtun er eit bufellesskap for personar med nedsett funksjonsevne. Kommunen treng å rekruttere fleire helsearbeidarar for å møte det aukande behovet for tenester hos innbyggarane. Pleie og omsorg i Aukra satsar på heiltidskultur, og vi lyser berre ut 100 % stillingar. Pleie og omsorgstenesta har interessante jobbar, som er i stadig utvikling og endring. Du kan vekse med oppgåvene og utvikle deg sjølv ved stadig å få meir avanserte rbeidsoppgåver, og vere med på å innføre ny teknologi i tenesta.

Barnehage

Barnehagen er inspirert av Reggio Emilia-filosofien.

Barnebo barnehage har eit stort og godt fagleg miljø, med barnehagelærarar innanfor pedagognorma og stor andel barne- og ungdomsarbeidarar tilsett.

Fagleg fordjuping dei siste åra har vore knytt til Trygghetssirkelen (COS) og fordjupinga i programmet Se barnehagebarnet innenfra.

Skole

SFO eir ein del av Gossen barne og ungdomskole, og har eit tett samarbeid med barnesteget på skolen. Aukra kommune treng fleire barne og ungdomsarbeidarar. Når du vel å bli barne og ungdomsarbeidar kan du arbeide med barn i alle aldrar, og med mange ulike oppgåver.  Du kan vekse med oppgåvene og utvikle deg sjølv ved stadig å få meir avanserte arbeidsoppgåver, og vere med på å gje barn og unge ein god kvardag. SFO arbeider ut frå Rammeplan for SFO. Som fagleg  fordjuping dei siste åra har SFO  vore knytt til Trygghetssirkelen (COS) og fordjupinga i programmet Se barnet innenfra.

Arbeidsstad

Lærlingen får sin praksis i ein eller fleire av einingane i kommunen. Lærlingen vil få sin eigen rettleiar med kompetanse innan det aktuelle faget.

Kvalifikasjonar

Vi søker lærlingar med følgjande kvalifikasjonar:

• Fullført vidaregåande utdanning på VG2- nivå
• Vi legg vekt på karakterar og høgt nærvær
• du må ha engasjement for faget
• du må kunne samarbeide godt og
• ha gode evner til å kommunisere både skriftleg og munnleg
• Du viser vilje og evne til åta initiativ og har
• gode haldningar

Vi legg stor vekt på at du er personleg eigna for stillinga.

Søkarar med ungdomsrett vil bli prioritert om dei er kvalifisert.

Vi kan tilby

• eit godt læringsmiljø med kompetente rettleiarar og leiarar som er meistringsorientert. Vi legg til rette for fagleg utvikling
• vi legg vekt på god rettleiing og oppfølging av lærlingane i kommunen
• Lønn etter sentral hovudtariffavtale
• Eigen stipendordning for lærlingar i Aukra
• Utveksling i Europa
• •Moglegheit for å bli lærling ved Molde sjukehus 2. året
• Kommunen har gode pensjons- og forsikringsordningar

Som kommune ønsker vi at Aukra skal vere ein av dei beste i landet å vere lærling i!

Søknad

Vi ber om at du nyttar elektronisk søknadsskjema

Godkjente kopiar av vitnemål og attestar vil vi etterspørje ved eit eventuelt intervju.

Søknadsfrist

Frist for å sende søknad er 3. mars 2024. Hovudinntaket av lærlingar er om våren, med oppstart av læretida i august.

Søkarliste

Søkarliste kan bli gjort offentleg. Om du ønsker å reservere deg frå oppføring på offentleg søkarliste, må du opplyse om og grunngje dette i søknaden.

Opplysningar kan bli offentleggjort sjølv om du har bedt om ikkje å bli oppført på søkarlista, jfr. Offentleglova § 25.

Du blir varsla dersom ønsket om reservasjon ikkje vert tatt til følge.

 

Kontaktperson for søknad til stillingane er Anita B. Uhlen, tlf 400 61202. 

Aukra kommune, i samarbeid med Romsdal opplæringskontor (felles opplæringskontor for Aukra, Hustadvika og Molde)