Skulen ved Byrknes barnehage og skule har mellom 50 og 60 elevar i 1. -10. klasse. Sjå www.Byrknes.skule.no for meir informasjon, planar, bilete osb. Gulen kommune har ledig ei 100% vikarstilling frå snarast til midten av februar 2024, med moglegheit for forlenging.  

Skulane i Gulen har: 

• Gode læringsresultat
• Relativt små klassar - ein ideell arbeidsstad for nyutdanna lærarar
• Godt arbeidsmiljø
• Tilbod om rettleiing
• Fokus på fagleg utvikling i skulane, der idear og innspel både frå nyutdanna lærarar og erfarne lærarar vert sett på som viktige ressurar 

Arbeidsoppgåver/kompetanse 

Dei fire skulane i Gulen er relativt små 1-10-skular, der dei ulike klassetrinna vekslar på å ha undervisning åleine og saman med andre klassetrinn. For å få dekka all undervisning ved skulane, er vi derfor avhengig av at dei faste lærarane har undervisningskompetanse i fleire fag. Ved tilsetjing vil vi vurdere kompetansen hjå søkjarane knytt opp mot den samla kompetansen og behovet i eininga. Vi søkjer derfor etter lærarar som har breid undervisningskompetanse, der aktulle undervisiningsfag for tida kan vere: 

• Norsk, matematikk og engelsk på ungdomstrinnet  
• Naturfag, samt kunst og handverk er også ønskjeleg 
• Andre fag og funksjonar kan kome til 

Personlege eigenskapar

• Er fagleg bevisst og godt førebudd til undervisning
• Har gode kommunikasjonsevner, samhandlar godt med elevane og er ein tydeleg klasseleiar
• Samarbeider aktivt i det profesjonsfaglege fellesskapet om utviklinga av læringmiljø og læringsutbytte

• Å vere personleg eigna kan verte vektlagt ved tilsetjing

Anna

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering
• Løn etter tariff