Me søkjer etter deg som viser kjærleik til kunsten og faget, og vil utforska i lag med elevane våre!  

• Kvam kulturskule har om lag 400 elevar og 27 lærarar og underviser i alle skulekrinsane i heradet.
• Me tek utgangspunkt i det som bur i kvar enkelt elev og skapar trygge rammer.
• Kvam kulturskule ynskjer å vera eit kulturelt kraftsenter med eleven i sentrum.

Me ynskjer ein fagleg og pedagogisk dyktig lærar som er interessert i å driva vidare kulturarven og handverket, samt vera open og nyskapande. Me ynskjer at elevane våre skal få læra, oppleva, skapa og formidla kunst og kultur gjennom eigen aktivitet og i fellesskap med andre. 

Kulturskulen har også ansvaret for DKS (Den kulturelle skulesekken) og UKM.  

Sjå her for meir informasjon om oss: https://www.kvam.no/tenester/kultur-idrett-og-fritid/kvam-kulturskule/

 

Arbeidsoppgåver

• Undervisa i toradar, primært for barn og ungdom i ulike bygder i kommunen
• Arbeid med elevgrupper som til dømes juniorspelemannslag
• Som tilsett i kulturskulen tek ein del i arbeid med ulike arrangement

Kvalifikasjonar

• Instrumental utdanning på toradar på høgskule-/universitetsnivå eller realkompetanse/relevant utdanning innan toradarspel 
• Erfaring frå undervisning/pedagogisk arbeid 
• Gode utøvande ferdigheiter 
• Grunnleggjande IT-kunnskapar og evne og interesse for å tilegna seg kunnskap på digitale plattformar
• Førarkort og tilgang til eigen bil

Personlege eigenskapar

• Du er ein trygg lærar som gjev opplæring av høg fagleg og pedagogisk kvalitet
• Du er serviceinnstilt og engasjert, fleksibel, raus og inkluderande
• Du er venleg og har respekt for andre, viser kjærleik til kunsten og faget, og utforskar gjerne i lag med elevane våre

Me tilbyr

• Gode kollegaer i eit godt arbeidsmiljø og varierte arbeidsoppgåver
• Løn etter gjeldande tariffavtale og lokalt lønssystem
• Gode pensjons-/og forsikringsordningar

Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. 

I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. 

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.