Hordaland er lokalavis for Voss og nabobygdene. Med eit opplag på ca. 8000 er Hordaland den største lokalavisa i tidlegare Hordaland fylke. Me held til i eige avishus sentralt på Voss. Voss er regionsenter i indre Hordaland med ca. 15.500 innbyggjarar. Bygda er ei naturperle med gode moglegheiter til rikt og aktivt friluftsliv heile året. Kommunen er ein god stad å veksa opp og har eit breitt spekter av tilbod innan utdanning, kultur og idrett. Voss har eit variert næringsliv og mange sosiale møteplassar.

Me søkjer

JOURNALIST I 100 % FAST STILLING

Ein av våre dyktige journalistar går av med pensjon, og me søkjer hans etterfylgjar.

Me ynskjer å knyta til oss ein god digital journalist med solid teft for nyhende og ynskje om å fortelja dei gode historiene. Du vert ein sentral person i Hordaland si satsing spesielt digitalt, men også på papir.

Arbeidet vert utført i samarbeid med redaktør og dei andre journalistane. Hordaland har 10 journalistar som alle leverer til nett og papir.

Kjennskap til video og live-sendingar er eit vilkår.

Du må ha førarkort for personbil.

Kvinner vert spesielt oppmoda om å søkja.

Yngre søkjarar vert prioriterte, og personlege eigenskapar vert vektlagt.

Målet vårt er nynorsk, og godt språk er ein føresetnad.

Hordaland kjem ut med papiravis tre dagar i veka, og publiserer dagleg på nett.

Den som vert tilsett går inn i vår vaktturnus.

Me ynskjer snarleg tiltreding.

Løn etter avtale.

Søknadsfrist 7. juli

Førespurnad om stillinga kan rettast til:
Redaktør Geir Geitle, tlf 404 19 953, eller
Klubbleiar Ørjan Brattetveit, tlf 416 23 262.

Skriftleg søknad med cv og evt. arbeidsprøvar kan sendast på e-post til: gg@avisa-hordaland.no