Einingsleiar for kultur skal i permisjon og me søkjer vikar i 100 % stilling, ut august 2023 med moglegheit for forlenging.

Kultureininga består av kulturkontor, kulturskule, bibliotek, friskliv- og frivilligsentral og folkehelse. Kultureininga ligg under kommunalsjef for økonomi og organisasjon.

 

Arbeidsoppgåver

• Har det faglege og administrative ansvaret for avdelinga
• Personal- og økonomiansvar
• Skal sikra at kommunen utøver tenestene i tråd med lover og tilhøyrande forskrifter, føresegner, avtaler, vedtekne retningslinjer og planar som gjeld innanfor kulturområdet
• Avdelingsleiaren sine arbeidsområder omfattar kulturaktivitetar, idrett og friluftsliv, kulturminne, stadnamn, kulturbasert næring, reiseliv og folkehelse
• Drift, sakshandsaming og administrative oppgåver innan arbeidsområda ovanfor
• Samningaveko
• Tursti- og digitaliseringsprosjekt
• Arbeid med kommuneplanen sin samfunnsdel
• Prosjektgruppe fleirbrukshall
• Noko kvelds- og helgearbeid

Kvalifikasjonar

• Relevant 3-årig høgare utdanning. Anna relevant arbeidserfaring kan kompensera for manglande utdanning.
• Gode IKT kunnskapar og erfaring frå ulike administrative datasystem som fagsystema Acos websak og Visma Enterprise
• God kompetanse innan økonomi og budsjett
• Ønskeleg med erfaring frå leiing

Personlege eigenskapar

• Søkar må ha gode samarbeidsevner, vera serviceorientert, utåtvent og kunne kommunisera godt skriftleg, munnleg og digitalt overfor ulike målgrupper og aktørar
• Me søker ein person som er strukturert og nøyaktig, initiativrik, kreativ og ansvarsfull
• Å vera personleg eigna for stillinga vil bli tillagt stor vekt

 

Me tilbyr

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsvilkår etter gjeldande lov- og avtaleverk
• Gunstig pensjonsordning, yrkesskade- og gruppelivsforsikring
• Eit godt og inkluderande arbeidsmiljø, og god samarbeidsånd
• Fleksible arbeidstidsordningar
• Gode velferdsordningar
• Barnehageplass for tilsette sine born
  
  

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera NOKUT godkjent. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt EasyCruit.