Ledige stillingar i Eidfjord kommune

l 100% fast stilling for rådgjevar arealplan

Forvaltningsavdelinga består i dag av sju årsverk, og er ansvarleg for handsaminga av saker innanfor m.a. plan, byggjesak, landbruk, vilt- og naturforvaltning, kart- og oppmåling, og matrikulering. Me ser etter nokon med interesse for feltet, og som kan bidra til god kvalitet i kommunen sitt planarbeid.

Arbeidsoppgåver

• Handsama private arealplanar
• Førebu plansaker til politisk handsaming
• Utarbeida kommunale arealplanar
• Rettleia private, utbyggjarar og næringsliv
• Ajourføring og forvaltning av kommunen sine kartbasar

Som tilsett på eininga må du dessutan rekna med å ta del i oppgåver knytt til tilgrensande saksfelt.

Kvalifikasjoner

• Relevant høgskule- eller universitetsutdanning, fortrinnsvis innan arealplanleggjing
• I særskilde høve kan lang erfaring innan fagfeltet kompensera for manglande utdanning
• Erfaring frå offentleg forvaltning er ein føremon, men ikkje eit krav
• Det er ynskjeleg med kjennskap til plan- og bygningslova
• Evne til å arbeida nøyaktig, effektivt og sjølvstendig
• Evne til å formulera deg klart og tydeleg, skriftleg og munnleg
• Personlege eigenskapar vil verta vektlagde

Me tilbyr

• Høve til vidareutdanning
• Høve til å vera med på å påverka eigen arbeidskvardag
• Hjelp til å skaffa bustad
• Løn etter avtale
• 
  

l 100% fast stilling for VA-ingeniør

VA-avdelinga består i dag av 2,43 årsverk samt 4 personar på vekesvaktordning. VA-nettet består av 6 vassverk, 4 reinseanlegg, 30 pumpestasjonar samt høgdebasseng og trykkaukestasjonar. Med store investeringar og utbyggjingsprosjekt i offentleg og privat regi ynskjer Eidfjord kommune og styrkja kompetansen på VA.Me ser etter nokon som kan vera med å vidareutvikla og vedlikehalda infrastrukturen på VA-nettet til heile kommunen.

Arbeidsoppgåver

• Driftsansvarleg for VA-anlegg i heile kommunen
• Utarbeida vaktplanar
• Delta i vekesvaktordning på VA-anlegg
• Vera bindeledd mellom driftsoperatørar og kommuneleiing
• Sakshandsaming innan fagfeltet
• Ansvarleg for innrapportering for VA-sektoren
• Personalansvar for driftsoperatørar

Kvalifikasjoner

• Relevant utdanning innan VA/kommunalteknikk
• Lang erfaring kan kompensera for manglande utdanning
• Erfaring frå andre kommunar eller offentleg forvaltning er ein føremon
• Erfaring med innkjøp etter LOA (Lov om offentlege anskaffelsar)
• Evne til å arbeida nøyaktig, effektivt og sjølvstendig
• Evne til å formulera deg klart og tydeleg, skriftleg og munnleg
• Personlege eigenskapar vil verta vektlagde

Me tilbyr

• Høve til vidareutdanning
• Høve til å vera med å påverka eigen arbeidskvardag
• Hjelp til å skaffa bustad
• Løn etter avtale

l 80% mellombels stilling (60% Ulvik herad, 20% Eidfjord kommune) for prosjektleiar helse og omsorg

Helse - og omsorgssektoren i Ulvik herad og Eidfjord kommune har fleire utviklingsprosjekt på gang og me søkjer difor prosjektleiar til å leia desse. Helse og omsorgssektoren har stort fokus på endring og omstilling for å imøtekoma framtida sine krav til tenesteproduksjon. Eit stort satsingsfelt er velferdsteknologi der ein skal jobba tverrsektorielt og inkludera IT, teknisk eining og både ute- og inneteneste innan pleie- og omsorg. Prosjektleiar skal vera både pådrivar for framdrift og sikra implementering av endringar.

Stillinga er prosjektfinansiert og varer 1 år, med mogeleg forlenging. Denne stillinga er eit samarbeid mellom Ulvik herad og Eidfjord kommune (Ulvik 60 % og Eidfjord 20%). Prosjektleiar vil ha kontorstad i begge herada.

Arbeidsoppgåver

• Delta i prosjektmøter på vegne av herada
• Søkja tilskot til velferdsteknologi og andre prosjekt
• Sikra kontinuitet i prosjekta
• Rapporteringsansvar for prosjekta
• Kunnskapsdeling, implementering og nettverksbygging
• Implementera endringar i samarbeid med avdelingsleiarar

Kvalifikasjonar

• Helsefagleg bakgrunn, fortrinnsvis 3- årig høgskule
• Leiar- og utviklingskompetanse er ei føremon
• Erfaring kan erstatta utdanningsnivå

Personlege eigenskapar

• Evne til initiativ og sjølvstendig arbeid
• Fleksibel og endringsvillig
• God munnleg og skriftleg formidlingsevna
• Kan jobba strukturert og følgja tidplanar
• Gode kommunikasjons- og samarbeidsevner

Personleg eigenskapar vert vektlagt

Me tilbyr

• Eit godt arbeidsmiljø
• Ei verksemd i utvikling
• Fagleg utvikling
• Utfordrande arbeidsoppgåver
• Fleksibel arbeidstid
• Konkurransedyktig løn
  
  Ynskjer du å få søknaden handsama konfidensielt, må dette grunngjevast i søknaden, jf. offentleglova § 25, andre ledd.
  Politiattest jf. Helse- og omsorgstjenesteloven § 5-4 må leggjast fram ved tilsetting.
  Tilsetjing vil skje på dei vilkår og med dei plikter som følgjer av gjeldande lovverk, reglement og tariffavtalar.

Sjå fullstendige lysingar på heimesida vår: www.eidfjord.kommune.no