Fikse Næringsforening er ein interesseorganisasjon av og for bedriftene i Etne og Vindafjord. Nå søkjer me etter ny dagleg leiar som kan bidra til å vidareutvikla og gjera eit allereie sterkt og mangfaldig næringsliv enno betre gjennom arbeidet til næringsforeningen.

Fikse Næringsforening jobbar for at næringslivet samla og bedriftene kvar for seg skal ha best mogleg vilkår for å utvikla seg på ein god måte. Dette gjer me blant anna ved å vera næringslivet sitt talerøyr overfor myndighetene, bidra til at bedriftene får tak i flinke tilsette, og gi bedrifter og tilsette fagleg påfyll og nettverk.  

 

Vi søkjer ny dagleg leiar

Er du klar for å forme næringslivet i Etne og Vindafjord?

Stilling: Dagleg leiar, Fikse Næringsforening

Søknadsfrist: 16.11.2024

Oppstart: Etter avtale

Arbeidsstad: Vindafjord og Etne

Fikse Næringsforening er ein viktig drivkraft for lokalt næringsliv, og vi søkjer ein handlekraftig leiar som kan vera eit sterkt talerøyr for bedriftene våre. I denne stillinga vil du få ei sentral rolle i å utvikle og synleggjere næringslivet, samt ivareta interessene til bedriftene både lokalt og nasjonalt.

Dine hovudoppgåver inkluderer:

• Synleggjering av bedrifter og jobbmoglegheiter

• Representasjon av næringslivet overfor myndigheiter på ulike nivå

• Tilrettelegging for fagleg påfyll og nettverksbygging gjennom kurs og bransjetreff

• Deltaking i innovasjonsprosjekt og næringsutvikling

• Drift og vidareutvikling av foreininga

Vi søkjer deg som har:

• Solid forretningsforståing, gjerne med erfaring frå næringslivet

• Kjennskap til offentleg forvaltning og politiske prosessar

• Høg gjennomføringsevne og evne til å handtere parallelle prosjekt

• Engasjement og evne til å samarbeide på tvers av interesser

• Initiativ, sjølvstende og fleksibilitet

Spørsmål til stillinga:

Styreleiar Anette Lauareid Hovda: anette@electio.no, tlf 90541044