Voss Fallskjermklubb vart stifta i 1978, og er i dag Noregs største fallskjermklubb, der det vert gjort over 23 000 fallskjermhopp i året. Klubben har i dag over 2000 medlemar og rundt 10 000 besøkande kvar sommar. Kvart år vert det utdanna over 150 nye fallskjermhopparar, og det vert gjennomført rundt 1300 tandemhopp. Idrettsklubben er organisert med eit styre på seks medlemar og to forbundsrepresentantar vert valde på årsmøtet. Voss Fallskjermklubb skal gje medlemane eit variert og breitt tilbod til å utvikla seg sjølve og klubben på det idrettslege og det organisatoriske plan, samstundes skal det fokuserast på aktiv rekruttering til klubben sine kurs og arrangement.