Gol kommune ligg i Hallingdal prosti og det er god forbindelse til både Oslo og Bergen. Her er gode høve til friluftsliv og det er eit aktivt kulturliv og idrettsmiljø i bygda. Gol har om lag 4 650 innbyggjarar. Det er to kyrkjer og eitt sokn i kommunen. I tillegg til soknekyrkjene Gol og Herad kyrkje, ligg også nye Gol stavkyrkje og Oset kapell i kommunen.  Det er ein del kyrkjelege handlingar i båe desse kyrkjene.

Kyrkjene i Gol og i Hemsedal kommune var frå gamalt eit prestegjeld og det er fortsatt ein del samarbeid mellom desse sokna. Det er felles trusopplærar og prestane har teneste i båe kommunane.  Ved Gol kyrkjekontor er det totalt 6,5 årsverk fordelt på 8 tilsette. Det er kontorlokale i kommunehuset.

---

---