Barnehagane har behov for fleire barnehagelærarar og barne- og ungdomsarbeidarar i faste stillingar og vikariat barnehageåret 2023/ 2024.

Me søkjer deg som har kompetanse innan barnehagefeltet og som vil skapa ein trygg og stabil kvardag for born. Dei vaksne er dei viktigaste reidskapane for å få til god kvalitet for barna. Me har fokus på gode relasjonar, meistring hjå barna og at "barn ikkje er vanskelege, dei kan ha det vanskeleg".

Ynskjer du å påverka din eigen arbeidskvardag, vera mykje ute og bidra til barn si utvikling?

Me vil gjerne ha deg på laget vårt.

Barnehagane i Kvam har fokus på godt arbeidsmiljø og saman med KLP deltek barnehagane i prosjektet "Bli i jobben". Målet er å styrka arbeidsmiljøet vårt slik at sjukefråværet vert redusert og tilsette vert verande i barnehagane våre.

Dersom du søkte innan fristen på førre utlysing treng du ikkje søka på nytt.

Arbeidsoppgåver

• Skapa ein god barnehagekvardag for både det enkelte barn og grupper
• Levera god kvalitet i relasjonar med barn og foreldre
• Vera ein trygg vaksen
• Tilretteleggja for leik og læring
• Delta i å skapa kvalitet i rutinesituasjonar
• Delta i å utvikla barnehagen
• Bidra til godt arbeidsmiljø og samarbeid med andre
• Bidra til å ivareta helse, miljø og tryggleik i barnehagen

Kvalifikasjonar

• Barne- og ungdomsarbeidar, men er også interessert i deg som har anna relevant utdanning eller yrkeserfaring og ynskjer å arbeida i barnehage
• Barnehagelærar, evt anna relevant høgskuleutdanning
• Gode norskkunnskapar både munnleg og skriftleg
• Bestått A2 i skriftleg framstilling og B1 i leseforståing, lytteforståing og munnleg kommunikasjon
• Erfaring frå arbeid i barnehage er ein fordel

Ved nytilsetjing vert det stilt krav om politiattest av ny dato. Denne skal ikkje leverast med søknaden

Personlege eigenskapar

Me legg vekt på desse personlege eigenskapane:

• Pålitelig, omsorgsfull og engasjert
• Du har godt humør og god samarbeidsevne
• Fagleg oppdatert
• Deg som er leiken og evnar å inspirere og engasjere born
• Møter born, kollega og foreldre med respekt
• Er fleksibel og løysingsorientert

Vi tilbyr

• Spennande, utfordrande og varierte arbeidsoppgåver
• Løn etter gjeldande tariffavtale og lokalt lønssystem
• Gode pensjons- og forsikringsordningar
• Tilsetjing på vanlege vilkår for kommunale arbeidstakarar

Generell informasjon:

Den kommunale organisasjonen skal i størst mogleg grad spegla mangfaldet i befolkninga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ynskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.