Bedrift
Kvam Herad i BrønnøysundSøknadsfrist
SnarestAnsettelsesform
FastBransje
Offentlig forvaltning - KommuneadministrasjonUtdanningskrav
ØnskeligArbeidserfaring
ØnskeligAdresse
5600, NORHEIMSUND
KVAM
NorgeAntall stillinger
1karriere-kode
5378814Se her for andre jobber fra Kvam Herad i Brønnøysund
- Oppdatert 29.09.2023
Kvam Herad i Brønnøysund
Avdelingsleiar Norheimsund skule
Offentlig forvaltning - Kommuneadministrasjon
ER DU VÅR NYE ENGASJERTE AVDELINGSLEIAR?
Norheimsund skule 1.-7. trinn er den største barneskulen i Kvam og ligg plassert midt i sentrum i regionsenteret Norheimsund i Hardanger. Skulen har 287 elevar, rektor, to avdelingsleiarar, SFO-leiar, sekretær, 36 lærarar, 16 fagarbeidarar, 2 miljørettleiarar og 3 lærlingar. Skulen er veldriven med tilsette som har høg fagleg kompetanse og god samarbeidskultur
Utviklingsområde skulen brukar tid på:
- Implementering av ny læreplan
- VFL (vurdering for læring)
- LP (læringsmiljø og pedagogisk analyse)
- Udir og Statsforvaltaren si oppfølgingsordning med trygt og godt skulemiljø, ordinær og inkluderande undervisning og leiarstøtte som fokusområde
- Dekom (desentralisert ordning for kompetanseutvikling)
- BTI (Betre tverrfagleg innsats)
- Klasseleiing, positivt elevsyn og relasjonsbygging er viktig i Kvammaskulen
- Vårt elevsyn er at barn gjer så godt dei kan, og at barn ikkje er vanskelege, men kan ha det vanskeleg
- Skulen har støttesystem som gjev rask hjelp til elevar når behov dukkar opp
- Skulen har eit aktivt elevråd som bidreg med trivselsfremjande tiltak og innspel
- Foreldregruppa er engasjert og aktiv, og ein viktig støttespelar for skulen
Arbeidsoppgåver
Som avdelingsleiar vil du:
- vidareutvikla ein trygg og god skule, med eit inkluderande læringsmiljø for elevane
- delta i utvikling av kollektiv kapasitet ved skulen og som del av Kvammaskulen
- leggja til rette for at lærar/fagarbeidarar vert tildelt oppgåver ut frå kompetanse slik at læringsutbytet for kvar elev aukar
- kunna leia og motivera personalet i fagleg og pedagogisk utviklingsarbeid
- vera ein trygg og tydeleg personalleiar som både støttar og utfordrar - med hjarte og hjerne
- evna å prioritera mellom mange arbeidsoppgåver og møta det uforutsette med ro, tryggleik og godt humør
- støtta rektor i å driva skulen i tråd med vedtekne rammer, politiske og administrative vedta
- bruka forskingsbasert kunnskap og skapa engasjement om felles mål i tråd med LK 20. Involvera og samarbeida med elevar, tilsette, føresette og andre samarbeidspartar
Kvalifikasjonar
- godkjent pedagogisk utdanning for barneskule jf. forskrift til opplæringslova § 14-3
- digital kompetanse og interesse for å utvikla skule digitalt
- erfaring frå undervisning på 1.-7 trinn er ein føremon
- skuleleiarerfaring er ein føremon
- nasjonal skuleleiarutdanning eller at du er villig til å ta denne er eit krav
Ved ny tilsetjing vert det stilt krav om politiattest, jfr. Opplæringslova § 10-9.
Personlege eigenskapar
Me legg vekt på personlege eigenskapar som:
- at du kan visa til gode relasjons- og samarbeidsevner frå tidlegare arbeidserfaring
- trygg, tydeleg, strukturert og systematisk
- evne til å inspirera, rettleia, tenkja nytt og jobba målretta med utfordringar
- god kommunikasjonsevne, skriftleg og munnleg
- engasjert og fleksibel
- kan driva team og utvikla skulen som lærande organisasjon på ein motiverande måte
- evnar å arbeida systemretta, sjå heilskapen og utvikla Kvammaskulen i tråd med lovverk, læreplanar og politiske føringar
Vi tilbyr
- eit godt arbeidsmiljø og teamkultur
- systemretta utvikling av skulen med vekt på kollektiv kapasitet
- spennande, utfordrande og varierte arbeidsoppgåver
- løn etter sentralt og lokalt lønnsystem
- gode offentlege pensjons- og forsikringsvilkår
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Bedrift
Kvam Herad i BrønnøysundSøknadsfrist
SnarestAnsettelsesform
FastBransje
Offentlig forvaltning - KommuneadministrasjonUtdanningskrav
ØnskeligArbeidserfaring
ØnskeligAdresse
5600, NORHEIMSUND
KVAM
NorgeAntall stillinger
1karriere-kode
5378814Se her for andre jobber fra Kvam Herad i Brønnøysund
- Oppdatert 29.09.2023