Vi gler oss til å ta i mot 2 nye lærlingar som helsefagarbeidarar frå august 2020. Vi har eit godt organisert program for våre lærlingar, og har fokus på å leggje til rette for ei god læretid og skape interesse og engasjement for yrket. Som lærling i Fjaler vil du ha variert praksis, og vil bli fulgt opp av fagleg leiar i helse og omsorg, i tillegg til oppfølging frå instruktørar i dei ulike einingane. 

Er du interessert i å vite meir om lærlingordninga hos oss, håper vi du tek kontakt så vi kan få fortelje korleis det er å vere lærling hos oss.

Arbeidsoppgåver

• Tilrettelegging og oppfølging av tenester til brukarar
• Tverrfagleg samarbeid og samhandling med pårørande
• Målretta miljøarbeid
• Føring og bruk av opplæringslogg
• Dokumentasjon

Kvalifikasjonar

• Bestått VG1 Helse- og oppvekstfag, dokumentasjon for fullført og bestått VG2 må leggast fram før signering av lærekontrakt
• Må meistre norsk munnleg og skriftleg
• Den som vert tilsett må legge fram godkjend politi-, MRSA- og tuberkulinattest før tiltreding

Personlege eigenskapar

• Positive haldningar og gode samarbeidsevner
• Evner å arbeide løysingsorientert i eit travelt miljø og samtidig ha eit godt humør
• Kommunisere godt på norsk både munnleg og skriftleg

Vi tilbyr

• Varierte praksisperiodar i heimetenestene, ved Fjaler sjukeheim, og i miljøtenesta
• God oppfølging av dyktige instruktørar, rettleiarar og leiarar med fagleg/pedagogisk bakgrunn
• Spennande arbeidsoppgåver
• Tverrfagleg samarbeid og hyggelege kollegaer
• Lærekontrakt og opplæringskontrakt
• Mellombels tilsetting i Fjaler kommune som lærling i 2 år
• Løn under utdanning