Vi søkjer ein kandidat med fagkunnskap og erfaring knytt til bruk av sosiale media (SoMe) i kommersiell, profesjonell og marknadsretta verksemd, som ønskjer ei spennande og annleis utfordring. Du må vidare vere motivert til å engasjere deg i utforminga av eit allmennyttig utdanningstiltak som vil ha stor positiv påverking på mange ungdommars framtidige liv.

Du vil vere med å utvikle ein heilt ny verkstad ved Hardanger produksjonsskule for undommar  som ynskjer å gå djupare inn i bruk av alle redskaper og funksjonar på dei ulike SoMe plattformene.

Aktuelle kandidatar bør ha djupneerfaring frå ein eller fleire sentrale disipliner innan marknadsføring, tekstproduksjon, foto, video og filmproduksjon for å ha nødvendinge verktøy til å lage profesjonelle profilar og marknadsføringstiltak på dei ulike SoMe-plattformar. Det vil vere positivt dersom du i tillegg har erfaring og kunnskap innan anna kreativt arbeid som kan nyttast i verkstaden.

Den som skal tilsetjast må leggje fram politiattest

Produksjonsskulen sitt mandat er likeså mykje relatert til personleg og sosial utvikling som fagleg kunnskap. Verkstadansvarlege må derfor ha sosiale og pedagogiske evner, vere engasjert og like å arbeide med ungdommar.

Du må kunne arbeide sjølvstendig, vere initiativrik og ha gode kommunikasjons- og samarbeidsevne.

• Hardanger produksjonsskule kantine på skulen og vil vere hjelpsame med å finne bustad.
• Løn etter fylkeskommunale regulativer med gode forsikrings- og pensjonsordningar.
  

Andre opplysningar

•  Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort
•  Alle nytilsetjingar i Hordaland fylkeskommune blir gjort med ei prøvetid på 6 månader