SURNADAL SJUKEHEIM HAR LEDIG 4 VIKARIAT I 100% STILLING FOR SJUKEPLEIARAR.

Fire sjukepleiarar hos oss skal ha foreldrepermisjon. To av vikariata er knytt til Kåret, som er avdeling for demenssjukdomar. Dei to andre er knytt til avdelingane BOA (bo- og avlasting, kombinert korttids- og langtids) og observasjonsposten.

Stillingane er i utgangspunktet på 100% i turnus.

Stillingsprosent er mogleg å tilpasse ved behov. Det er store mulegheiter for tilbod om fast tilsetting etter endt vikariat.

Vi har òg faste sjukepleiestillingar utlyst, der du ved fast tilsetting vil få gleda av rekrutteringstilbodet vi har for nye sjukepleiarar ved sjukeheimen. Dei faste stillingane er ved avd. for demenssjukdomar (Kåret) og utgjer inntil 2 årsverk tilsaman. 

 

Om oss:

Vi er ein institusjon med 61 bebuarrom, fordelt på langtidsavdelingar, demensavdeling og ei korttidsavdeling med observasjonspost.

Hos oss er det sterkt fokus på:

• Fagutvikling - vi har eigen fagutviklingssjukepleiar som sett kvalitetsarbeidet i system
• Velferdsteknologi - vi har eigen koordinator for velferdsteknologi, samt VTF-gruppe
• Aktivitetar - med aktivitetsplaner og samarbeid med andre aktørar
• Matglede - med eit kjøkken med lidenskap for faget
• Refleksjon - med avsett tid

 

Avd.for demenssjukdomar:

Avdelinga er den nyaste delen av bygget, moderne innreia og tilrettelagt for demente, men m.a eigen sansehage. I seinare tid har det vore satsa på å bruke og ha nytte av velferdsteknologi i avdelinga; så som bruk av digitale tilsyn (Roommate), GPS, elektronisk låsstyring samt aktivitetsfremjande utstyr, t.d Tovertafel. Alt dette for å bidra til trygge og gode kvardagar for bebuarane i avdelinga, med god søvn, ro og tilpassa aktivitet og sansestimuli. Det er stor fokus på kompetansebygging i demensomsorg for dei tilsett og det blir lagt til rette for læring og opplæring etter behov.

 

Avd. BOA, bu- og avlasting:

Dette er ei kombinert avdeling med både korttids- og langtidsrom. Det er ein observasjonspost knytt til korttidsavdelinga, meint for avklaring av vidare behov for tenestenivå. På BOA har du som sjukepleiar samhandlings- og koordineringsansvar, med samarbeid med t.d spesialisthelsetenesta, lege, fysioterapeut, helsefagarbeidarar og ergoterapeut. Du får god bruk for den kliniske sjukepleiekompetansen din i den daglege oppfølginga av pasientar med ulike tilstandar og målsettingar.

 

Ønskjer du ei uforpliktande omvisning eller har spørsmål om korleis det er å arbeide ved desse avdelingane er det berre å ta kontakt med oss.

 

Kvalifikasjonar:

Vi søkjer etter

- sjukepleiarar med norsk offentleg autorisasjon

- både nyutdanna og erfarne er velkomne som søkarar

- deg som kommuniserer godt på norsk og har god muntleg og skriftleg framstillingsevne

 

Arbeidsoppgåver:

- sjukepleiefaglege oppgåver og ansvar

- teamleiarfunksjon og samhandling

- koordinering og dialog med heimeteneste og spesialisthelseteneste

- veiledning og opplæring

- dokumentasjon

- bruk av fagsystem, velferdsteknologi og digitale verkty

- tverrfagleg samarbeid

- legemiddelhandtering

 

Personlege eigenskapar:

 

-  Fagleg dyktig med engasjement for ein verdig eldreomsorg og kvalitet i tenestene

 

-  Ansvarsfull, handlekraftig og effektiv

 

-  Endringsvillig, fleksibel og løysingsorientert

 

-  Gode samarbeid- og kommunikasjonsevner

 

-  Positiv og har ståpå-vilje

 

Vi tilbyr:

 

-  Fagleg utvikling

-  Godt arbeidsmiljø

-  Lønn i fht. gjeldande avtaleverk, samt rekrutteringspakke ved fast tilsetting

-  Gode pensjons- og forsikringsordningar

-  Turnus med mogleik for individuell tilpassing

-  Flyttegodtgjersle ihht. kommunen si personalplan

 

 

Tilsettingsvilkår:

Vanlege kommunale tilsettingsvilkår.

Tilfredsstillande politiattest, ikkje eldre enn 3 månader, skal leggast fram før tiltreding.

 

Vår visjon: Vi skal vere ein aktiv institusjon der kvar enkelt er verdifull

 

   Følg oss på Facebook @surnadalsjukeheim