Ynskjer du ei fagleg spennande og utfordrande leiarstilling?

Ål kommune ser etter deg som har evne til nytenking, er initiativrik og finn løysingar. Du er utviklings- og resultatorientert i arbeidet med den pedagogiske verksemda og personalet.

Ål kommune har ledig 100 % fast stilling som styrar i Sando barnehage frå 1. desember 2022. Me ynskjer at styrar har høge ambisjonar for barnehagen, samt evne og vilje til å føre organisasjonen vidare i retning framtidas barnehage.

Visjonen for oppvekstsektoren er å bidra til at alle som veks opp i Ål skal bli flygedyktige og rotfaste. Bruke vengene for å få innsikt, vidsyn og perspektiv – feste røter for å meistre eigne liv og tru på eigne krefter. Barnehagane i Ål skal vera ein inspirerande stad å vere, med fokus på langsiktig og systematisk utviklingsarbeid basert på forsking.

Ein barnehageleiar i Ål er ein pådrivar for å oppnå resultat, tenke heilskapleg, kunne vera nyskapande og har evne til å gjennomføre vedtatte endringar. Leiaren må vera tydeleg om kva mål og forventningar som gjeld; og kunne skape gode relasjonar til ungane, tilsette, føresette og andre kompetansemiljø. Ål kommune nyttar nynorsk som målform.

Du har innsikt i og evne til god økonomistyring. I samsvar med mål og forventningar skal styrar sørge for optimal utnytting av ressursane; og i samarbeid  med ungane, føresette og tilsette ivareta barnehagens omdømme og plass i lokalmiljøet.

Styrar er ansvarleg for den daglege drifta, pedagogisk leiing og utvikling av barnehagen. Styrar skal utvikle det faglege fellesskapet rundt læringsoppdraget, samt systematisk og målretta arbeide for eit trygt og godt læringsmiljø for ungane i barnehagen.  Styrar skal vera ein synleg leiar som formulerer vedtatt mål og forventningar for barnehagen, ha gjennomføringskraft, og sørge for databasert resultatoppfølging. 

Me ynskjer å vera ein attraktiv arbeidsplass for våre tilsette. Det er difor viktig at du som personalleiar har forståing for at systematisk og godt personalarbeid byggjar eit sterkt fagleg fellesskap og verdibasert kultur kor det er trygt og spennande å vera tilsett. Ein styrar på Ål  er ein leiar som gjennom tillit og klare forventningar driv god personalpolitikk i samsvar med kommunen sine retningsliner. 

Som styrar i Ål blir du ein del av eit styrarkollegium, og eit regionalt rektornettverk med god kollegastøtte. Strategidokumentet "Betre læring 2022-2025" er eit viktig styringsverktøy for oppvekstsektoren og barnehagane i Ål. Planverket skal styre og samordne innsatsen for – på beste måte – å ta hand om læringsmandatet. Tenkjer du at dette kan vere interessant og spennande, er Ål kommune rett stad for deg!

Sando barnehage har to avdelingar og er plassert i Sando. Sando barnehage er ein kommunal barnehage med 42 plassar delt på to avdelingar; Vesleberg med barn i alderen 1-2 år og Satakroken med barn i alderen 2-6 år.
Barnehagen er barnet sin arena, det er her livet er! Barnehagen er ikkje berre ei førebuing til livet som kjem seinare. Livet er her og nå. Barndommen er ein fase i livet med stor verdi. Her møter me livet slik det er og slik det kjem, med sine oppturer og nedturer, gleder og sorger. Barna får ta seg den tida dei treng for å lære, til å leike, til å leve i og oppleve fellesskap med andre. Det er mykje som tyder på at barn som ferdast i naturen saman med andre barn og vaksne, får fysiske, psykiske og sosiale opplevingar som er med på å gje dei god “læring for livet”. Barnehagen har friluftsliv som satsingsområdet. I Sando barnehage skal barna vera aktive gjennom leiken, dei skal oppdage og undre seg over det dei ser og dermed få kunnskap om naturen. Med kunnskap kjem interessa, gleda og eit permanent ynskje om å ta vare på naturen fordi dei har lært å vera glad i den.

Sjå www.aal.kommune.no for meir informasjon om Ål kommune og sando barnehage.

Kvalifikasjonar

• minimum 3-årig bachelor i barnehagelærarutdanning eller tilsvarande
• ynskjeleg med relevant leiarerfaring fortrinnsvis frå barnehage
• gjerne styrarutdanning eller anna relevant leiarutdanning
• god kjennskap til relevant lovverk
• god digital kompetanse

Me tilbyr

Eit triveleg kollegium kor du er er med å utvikle oppvekstsektoren i Ål og regionen gjennom regionale nettverk. Styrar rapporterer til kommunalsjef og sammen med 11 andre avdelingsleiarar er du med å utvikle oppvekstsektoren på Ål. Sando barnehage er ein barnehage med høg fagkompetanse og spennande profesjonsfellesskap. Ål kommune har også eigne leiarprogram og kursrekker. Lønn etter avtale og gode pensjons- og forsikringsordningar. Arbeidsforholdet er regulert av Hovudtariffavtala.

Send søknad