PPT i Indre Sunnfjord gjev tenester til kommunane Førde, Gaular, Jølster, Naustdal og Sogn og Fjordane fylkeskommune sine barnehagar/skular/bedrifter i vårt område. Tenesta er heimla i opplæringslova og er ei gjennomgåande teneste for heile skuleløpet. Eininga held til i rådhuset i Førde.

Kontoret har for tida 15 årsverk, bemanna med psykologar, spesialpedagogar, sosionom, PMTO-terapeut og PALS-rettleiar, kontorpersonale og einingsleiar. Vi er organisert i  førskule-, grunnskule- og ungdomsteam, og legg vekt på å ha eit positivt og støttande arbeidsmiljø. Eininga har ei god blanding av eldre og yngre tilsette med spesialiserte utdanningar. Mange har lang og brei erfaring, og har vore stabile ved kontoret i mange år.

Frå 1. januar 2020 vert PP-tenesta ei eining i nye Sunnfjord kommune og vil få oppgåver for barn og unge i alderen 0-16 år. Det er laga grunnlagsdokument for PPT, barnehagane og skulane sitt arbeid i den nye Sunnfjord kommune. Korleis PP-tenesta skal bemannast, arbeide og organiserast vert planlagt vidare når Sunnfjord kommune er etablert. Det er gode høve for å vere med å utforme tenestetilbodet i ei verksemd med mangesidige og spennande oppgåver. Den ledige stillinga omfattar PP-tenestearbeid i samsvar med mandatet til PPT.

Vi har følgande stilling ledig:

• Vikariat i 100 % stilling som spesialpedagog/pp-rådgjevar. Stillinga er ledig frå snarast og til og med 31.07.2020.

Arbeidsoppgåver:

• systemretta og individretta arbeid i samsvar med mål for tenesta
• utgreiingar, sakkunnige vurderingar, rådgjeving til elev, foreldre og pedagogisk personal
• endrings- og utviklingsarbeid

Kvalifikasjonar:

• master eller hovedfag i spesialpedagogikk, eller viktig kompetanse innanfor sentrale fagområde for tenesta
• praksis frå arbeid med barn og unge i barnehage, skule, PP-teneste eller tilsvarande instansar
• relevant test-, utgreiings- og rådgjevingskompetanse

Ved tilsetting legg vi vekt på:

• at du dekker sentrale oppgåver for PP-tenesta
• gode kommunikasjons- og samarbeidsevner, og evne til fleksibilitet
• evne til å motivere og arbeide målretta, strukturert og effektivt
• at ein må kunne arbeide i team, og samtidig vere sjølvstendig og målretta
• at ein har god norsk språkføring, både munnleg og skriftleg

Politiattest må leverast før start i stilling.

 

Velkomen som søkar!