Skjerma eining ved Førde Omsorgssenter har 28 plassar fordelt på 2 avdelingar. Skjerma eining er arbeidsplassen for deg som har interesse for aldersdemens og eldreomsorg. 

Avdeling 1:16 plassar til personar med demenssjukdom. Kognitiv svikt er bebuaren si største utfordring.
Avdeling 2: Er ei open avdeling der det bur 12 bebuarar. Denne avdelinga har større pleietyngd.

Begge avdelingane har fokus på miljøarbeid, personsentrert omsorg og at bebuar skal oppleve livskvalitet i trygge rammer. Vi ønskjer å vere ei teneste med framtidsretta fokus, der fagutvikling står sentralt. 

Vi har ledige stillingar:

Stilling 1: 100 % fast stilling for sjukepleiar/ vernepleiar
Stilling 2: 100 % fast stilling for sjukepleiar
Stilling 3:  75 % fast stilling for helsefagarbeidar
Stilling 4:  50 % fast stilling for helsefagarbeidar
Stilling 5:  14 % - 28 % fast helgestilling for sjukepleiar eller helsefagarbeidar. 

3. års sjukepleiarstudentar kan verte vurdert som aktuelle for stillingane som sjukepleiar. 

Personar med interesse for fagfeltet kan søke på helgestillingane. Dei som ikkje fyl kvalifikasjonskravet vert tilsett i mellombelse stillingar.

Vi søker deg som: 

• har motivasjon for å jobbe innan eldreomsorga og evne til å tileigne deg ny kunnskap
• er ein engasjert person som kan jobbe sjølvstendig og er trygg på eigne avgjerder 
• fungerer godt i team og har evne til å delegere oppgåver 
• likar å jobbe i relasjon med menneske og er oppteken av aktiv omsorg 
• er ansvarsbevisst og løysingsfokusert
• er fleksibel og likar utfordringar
• bidrar til eit positivt og godt arbeidsmiljø
• tenkjer nytt og bidreg til utvikling av tenesta

Vi er ein arbeidsplass der vi ser og oppmuntrar kvarandre. Vi  jobbar saman i eit tverrfagleg miljø, med høg effektivitet og kvalitet. Hos oss får du kollegaer som vil du skal trivast, og ein jobb du kan føle deg trygg i.

I stillinga skal du:

• utføre praktiske oppgåver, observere tilstand og behov hos brukar
• samarbeide med brukarar, pårørande, fastlege og spesialisthelsetenesta
• ha veiledning- og undervisningsansvar  
• bidra aktivt til eit helsefremjande miljø
• ha samarbeid med både kommunale og eksterne aktørar i helse- og omsorgssektor
• ha ansvar for dokumentasjon i fagprogrammet cosdoc

Eininga har mange faglege utfordringar å engasjere seg i. Vi har fokus på fleire tiltak innan demensomsorg og velferdsteknologi. Vi er opptekne av fagleg kvalitet i tenestene våre og har difor støtteordningar for vidareutdanning. Ein kan tilby eit lønnstillegg på 7500- 30000 kr for relevant vidareutdanning ved 15-60 studiepoeng.

Søkjarar med vidareutdanning innan demensomsorg eller lindrande behandling kan ha eit fortrinn. Erfaring som ressurssjukepleiar vil vere ein fordel.

Krav til søkar: 

• norsk autorisasjon som sjukepleiar for stilling 1,2 og 5. Norsk autorisasjon som vernepleiar for stilling 1.
• norsk autorisasjon som helsefagarbeidar for stilling 3, 4 og 5.
• må beherske godt norsk, skriftleg og munnleg 
• gyldig politiattest må leverast før tiltreding.
• god IKT- kunnskap

Søknadane må innehalde referanse. 
For tilsetting gjeld ei prøvetid på 6 mnd.

Dersom det ikkje melder seg søkjarar med relevant utdanning til stillingane kan andre med kunnskap og interesse for eldreomsorg søkje. Ein vil då få tilbod om midlertidig stilling. Ein oppmodar særskilt menn om å søke.
Sjukepleie/vernepleiestudentar vert oppmoda om å søkje på stillingane. Studentar vert tilsett i mellombels stilling. 

Om stillingane: 

Stillinga er for tida organisert i turnus med arbeid dag/kveld/natt, samt kvar 3 helg. Eininga har innført langvakter der det er høve til å arbeide kvar 4 helg. 
Langvakter gjeld ikkje helgestillingane.

Helgestilling er organisert med dag/sein/.

Vi tilbyr:

• rekrutterings- og stabiliseringstillegg for sjukepleiarar på kr 20 000 i 100 % stilling
• sjukepleie- og vernepleiestudentar har eigen lønsstige
• kompetansetillegg for relevant vidareutdanning
• tilsetting, lønn og arbeidsvilkår er i samsvar med gjeldande lovverk, reglement og tariffavtale
• engasjerte kollegaer og leiarar
• inkluderande og godt arbeidsmiljø
• pasientnært og fagleg fokus
• gode pensjons- og forsikringsordningar

Velkomen som søkar!

Du må søke elektronisk.