Samnanger kommune søkjer fast rådmann/kommunedirektør.

Rådmannen/kommunedirektøren er kommunen sin øvste administrative leiar, og er gjennom dette leiar for heile den kommunale administrasjonen. Rådmannen/kommunedirektøren er òg bindeleddet mellom administrativt og politisk nivå i kommunen.  

Me søkjer etter ein resultatorientert og inkluderande person med brei leiarerfaring frå offentleg verksemd eller anna relevant erfaring.

Viktige eigenskapar vil mellom anna vera:

• God kjennskap til kommunale tenester
• Ei heilskapleg forståing av kommunal forvaltning og politiske prosessar, og kunnskap om rollefordelinga mellom politisk nivå og administrasjon
• Kunnskap om og forståing av relevant lov- og avtaleverk
• Kunnskap om økonomiplan-/budsjettarbeid
• Evne til å motivera medarbeidarar
• Gode samarbeidsevner både internt i kommunen og med eksterne samarbeidspartnarar/etatar

Sentrale oppgåver vil mellom anna vera:

• Vera leiar for den samla kommunale administrasjonen
• Leggja til rette for gode og effektive tenester, i nært samarbeid med kommunen si politiske leiing
• Vera pådrivar for utvikling av kommunen
• Sørga for gode saksutgreiingar og forsvarleg sakshandsaming
• Sjå til at vedtak vert sette i verk
• Sjå til at kommunen vert driven i samsvar med lover ect., og er gjenstand for trygg kontroll
• Sjå til at leiarane på alle nivå i kommunen fører god arbeidsgjevarpolitikk og samarbeidar godt med dei tilsette sine representantar
• Leggja til rette for god økonomistyring i kommunen

Me tilbyr:

• Ei spennande og utfordrande leiarstilling, der du saman med dei folkevalde og medarbeidarane får den mest sentrale rolla i den vidare utviklinga av kommunen
• Lønn og andre arbeidsvilkår etter avtale
• Gunstig pensjonsordning, yrkesskade- og gruppelivsforsikring
• Eit godt og inkluderande arbeidsmiljø
• Tilsette blir meldt inn i KLP, og med offentleg tenestepensjon får dei ein av Norges beste pensjonsordningar. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring

Kommunen sitt administrasjonsmål er nynorsk.

Me ønsker eit arbeidsmiljø prega av mangfold, og at våre tilsette skal gjenspeigla befolkninga forøvrig. Me oppfordrar alle som er kvalifisert til å søke jobb hjå oss uansett alder, funksjonsevne, kjønn eller minoritetsbakgrunn. Me legg vekt på å leggja til rette arbeidsforholda dersom du har behov for det. 

Me gjer merksam på at søkjarlister til stillingar i kommunen er offentlege, jf. § 25 i offentleglova. Opplysningar om søkjaren kan verta gjort offentlege sjølv om søkjaren har oppmoda om ikkje å bli ført opp på søkjarlista. I slike tilfelle vil søkjaren verta varsla på førehand, slik at han/ho har moglegheit til å trekkja søknaden.

Som tilsett i Samnanger kommune vil du bli innmeldt i KLP sin pensjonsordning. KLP tilbyr pensjon, bank og forsikringstenester og er Norges største pensjonsselskap.