Det vert no lyst ut etter PP-rådgjevar barnehage i 100% fast stilling, frå 01.08.2022.

Stillinga er plassert i PP-tenesta, og vil ha ein sentral plass i tenesta sitt arbeid med rådgjeving til tilsette i barnehage/skule, samtaler med barn og unge, og sakkunnig utgreiingsarbeid, med særleg fokus mot dei yngste barna. Vi legg vekt på å nytta den unike fagkompetansen til kvar enkelt medarbeidar. Satsingsområde og fagprofil er inkluderande pedagogikk og nyare utviklingspsykologi med fokus på relasjonar og samspel, førebygging, tidleg intervensjon og pedagogisk/psykologisk utviklingsarbeid.

Det tverrfaglege arbeidet vert tilrettelagt gjennom ulike samarbeidsorgan og team innan tenesta, og på tvers av tenester. BTI er eit viktig satsingsområde, saman med språkkommunen og Trygg i Fellesskap, TIF. Kontorarbeidsplassen er sentralt i Straumeområdet. Administrasjonsmålet i kommunen er nynorsk.

 

Arbeidsoppgåver vil vere:

• Rettleiing til barnehage/skule/føresette
• Utgreiing/sakkunnig vurdering
• Kontaktansvar for einingar
• Samarbeid internt og eksternt, deltaking i ulike team mm

 

Kvalifikasjonar:

Må ha:

• Barnehage/førskulelærar
• Minimun 30 stp spesialpedagogikk, gjerne meir
• Fleire år med erfaring frå arbeid i barnehage.

Ønskjeleg med:

• Rettleiingskompetanse eller erfaring frå området.
• Erfaring frå PPT arbeid
• Erfaring frå utviklingsarbeid (DUÅ el)

Personlege eigenskapar:

• Gode samarbeidsevner
• Evne til å arbeide fleksibelt, målretta og løysingsorientert
• Evne til å arbeide sjølvstendig og i team
• God munnleg og skriftleg framstillingsevne

Anna:

• Søkjar må kunne bruka eigen bil i tenesta
• Stillinga krev gyldig politiattest

 

Vi tilbyr:

• Gode pensjons- og forsikringsordningar
• IA verksemd
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.