Elkem Bjølvefossen ynskjer å lære opp personar som kan gå inn i vikarstillingar for både lange og korte periodar. Hjå oss er dette ofte vegen inn til seinare fast tilsetting.

Viktigaste arbeidsoppgåver:

• Sette seg inn i og følgje opp gjeldande instruksar og jobb-beskrivelsar
• Kontinuerlege forbetringar som ein del av dei daglege gjeremåla
• Bruke enkle dataverkty
• Utføre arbeid i forbindelse med den daglege drifta etter gjeldande krav til kvalitet og HMS

Vi ønskjer at du har følgjande kvalifikasjonar:

• Fortrinnsvis fagbrev i Kjemi-/prosess eller andre tekniske fag, men arbeidsvillige personar utan fagbrev vert også vurdert.
• Sertifikat klasse B
• Gode HMS-haldningar
• Evne til å arbeide både sjølvstendig og i team
• Beherske norsk, både munnleg og skriftleg

Arbeidstidsordninga er 33,6 t/v i ei femskiftsordning.
Elkem etterstrebar mangfald ved tilsetting. Arbeidsoppgåvene høver for ulike kjønn og nasjonalitetar, men av sikkerheitsmessige omsyn må norskkunnskapane vera gode språkleg og i høve til lesing og skriving.

 Mottekne søknader vert vurdert fortløpande.