Vil du jobbe med barn og unge?

Sunnfjord Bu- og avlastingsteneste har flytta i nytt og større bygg i Førde. Vi har fått ansvar for å følgje opp fleire barn og unge, og treng no fleire tilsette.

På avlastinga er det barn og unge med ulike hjelpebehov. Arbeidsoppgåvene varierer med den enkelte sitt funksjonsnivå, og behov for bistand. Vi hjelper til med medisinske prosedyrer, utfordringar knytt til åtferd, lekser, aktivitetar, rettleiing, og elles det som følger med i ein heim. For ungdommane hjelper vi til med rettleiing og butrening i høve det å verte sjølvstendige.

Vi gir tenester heile døgnet, for å støtte og avlaste foreldre som har krevjande omsorgssoppgåver.

Vi samarbeider tett med skule og barnehage, og har oppfølging av fleire barn på dagtid.

Vi har ledig:

100% fast stilling som miljøterapeut som er autorisert vernepleiar eller sjukepleiar.

Oppgåvene vert hovudsakleg utført på avlastinga, men og i heimen til nokre barn på natt.

Turnusen er tredelt med arbeid minimum 3. kvar helg. Dersom du ønskjer langvakter laurdag og søndag (inntil 12,5 t) 4. kvar helg, er dette mogleg.

 

Arbeidsoppgåver:

• yte god omsorg for barn/unge og pårørande
• oppfølging av barn og unge med fokus på aktivisering, kvile og daglege gjeremål
• bidra til å skape ein trygg atmosfære med omsorg, støtte, struktur og gode grenser for kvar enkel barn/ungdom
• tett samarbeid med foreldre, barnehagar, skular og spesialisthelsetenesta
• praktiske oppgåver og førefallande arbeid
• delar av stillinga er som nattevakt i heim
• ansvarsvakt
• koordinatorrolle knytt til ansvarsgruppe og individuell plan
• oppgåver knytt til primærkontakt
• medikamenthandtering

Kvalifikasjonar: 

• norsk autorisasjon som sjukepleiar eller vernepleiar
• meistre godt norsk munnleg og skriftleg
• gyldig politiattest av ny dato
• evne til samspel med barn og pårørande, kollegaer og leiing
• vere ein trygg og tydeleg vaksen person, som set grenser på ein omsorgsfull måtepersonleg eigenskapar vert vektlagt
• personlege eigenskapar vert vektlagt

Personlege eigenskapar: Du treng ikkje vere superhelt eller verdsmeister, men vi ønsker ein person som:

• vil bidra positivt til eit fagleg og kollegialt godt miljø
• er punktleg og påliteleg
• trivast i ein aktiv kvardag og har evne til endring
• syner fagleg tryggleik, tillit og respekt
• behandlar brukarar og pårørande  profesjonelt og empatisk
• er løysingsorientert og sjølvstendig
• er i stand til å ta i mot rettleiing i frå leiar og ansvarshavande
• er god på tverrfaglig samarbeid – her må ein gje og ta
• er positiv, og bidreg, til eit godt arbeidsmiljø oppover og nedover

Vi tilbyr: 

• god opplæring
• høgt fagleg nivå, med rettleiing frå spesialisthelsetenesta ved behov
• stor bredde i faglege utfordringar
• ein travel arbeisplass med inkluderande miljø der folk trivast på jobb
• kompetansetillegg for relevant vidareutdanning
• gode høve for kompetanseheving
• løn i samsvar med gjeldande tariffavtale
• gode pensjons- og forsikringsordningar
• IA-avtale

Velkomen som søkar!

Du må søke elektronisk.