Psykisk helse og rus i Sunnfjord kommune er ei eining som er delt i fire soner. I Naustdal, på Vassenden, i Førde og på Sande.

Vi er ei eining som gjev tilbod om samtaleoppfølging og praktisk bistand til personar med psykisk helse- og rusutfordringa heimehøyrande i kommunen. Vi jobbar brukarnært og mange av brukarane våre treng til tider tett og kontinuerlig oppfølging, med trygge og føreseielege rammer.

Vi jobbar med å implementere NORSE som eit verktøy i oppfølginga av brukarane våre. Psykisk helse og rus samarbeidar også tett med jobbspesialistar.   

I eininga er vi omlag 20 årsverk fordelt på dei ulike sonene. Vi har også ei utekontaktstilling i eininga som jobbar førebyggjande opp mot ungdom. I tillegg har vi tilsett erfaringskonsulentar i prosjektstilling. Dei tilsette innehar stor grad av fagleg kompetanse og er oppteken av å yte gode tenester. Vi jobbar i team, men mykje av arbeidet er ein til ein oppfølging. Dette utløyser ein stor grad av sjølvstende i det daglege arbeidet, og fordrar også at ein er trygg på eigne avgjerdsle.

Vi ynskjer å finne ein dyktig fagperson som kan bidra positivt inn i eininga vår. Vi håpar det er deg. 

Vi har ledig:

• 60 % vikariat i perioden frå 13.03.23 og ca eit år framover. Det kan vere moglegheit for å auke opp til 80%

Stillinga er dagarbeid og ligg til sone Vassenden.

Kvalifikasjonar:

• tre årig høgskule med helse- og sosialfagleg bakgrunn. Helsefagarbeidar kan også vurderast for stillinga
• relevant erfaring kan kompensere for manglande formal kompetanse
• gode munnlege og skriftlege kommunikasjonsferdigheiter
• førarkort klasse B

Vi søker deg som:

• har gode samarbeidsevner
• er positiv, nysgjerrig og reflekterande
• er strukturert, sjølvstendig og trygg
• er fleksibel og løysningsorientert
• bidreg positivt i arbeidsmiljøet

Arbeidsoppgåver:

• oppfølging av tenestemottakarar
• dokumentere i relevant fagsystem
• arbeide tett og tverrfagleg med samarbeidspartar
• bidra i fellesskap til planlegging og systematisering av arbeidsdagen

Vi tilbyr:

• tverrfagleg arbeid
• engasjerte kollegaer og leiarar
• godt arbeidsmiljø
• faglege utfordringar
• løn i samsvar med gjeldande overeinskomst
• gode pensjons- og forsikringsordningar
• sunnfjord kommune tilbyr kompetansetillegg for relevant vidareutdanning

Vi oppmodar menn om å søke, då vi ynskjer å ha ei jamnare fordeling av kvinner og menn i eininga vår.

Du må søke elektronisk.

 

Velkommen som søkar!