Det er ledig vikariat for legesekretær/sjukepleiar ved Leikanger legekontor i perioden 01.09.2021 til 01.01.2023. 80% stilling (kan mellombels verte utvida til 100% avhengig av koronasituasjonen).

 

Om stillinga

Leikanger legekontor har 4 legar og 1,8 årsverk hjelpepersonell. Kontoret har eige laboratorium og er samlokalisert med mellom anna sjukeheim, helsestasjon, fysioterapi og psykiatriteneste.

 

Arbeidsoppgåver:

Allsidige oppgåver avhengig av kvalifikasjonar hjå søkjar. Aktuelle oppgåver er telefontriagering, resepsjonsarbeid og administrative oppgåver samt mellom anna sårskift, spirometri, EKG, enkle pasientkontrollar og laboratoriearbeid.

 

Krav til kompetanse:

- Helsesekretær/helsefagarbeidar eller sjukepleiar.

- Det er en fordel å kjenne IT-system frå helsetenesta, Leikanger legekontor nyttar CGM Allmenn.

 

Krav til søkjar:

- Gode evner til både sjølvstendig arbeid og lagarbeid.

- Godt humør og evne til å møte pasientar og kollegaer på ein god måte.

- Fleksibilitet, evne til å handtere fleire problemstillingar på ein gong, tåle avbrytingar og samstudes klare å jobbe systematisk og ryddig.

- Flytande norskkunnskapar skriftleg og munnleg.

 

Personlege eigenskapar blir tungt vektlagde.

 

Me tilbyr

- Ein kompetansearbeidsplass med høg fagleg og etisk standard, godt arbeidsmiljø, varierte arbeidsoppgåver og høgt tempo.

- Løn etter tariff.

 

Kommunen har gode pensjons- og forsikringsordningar, i tillegg til gode helse- og trivselsfremjande tiltak for sine tilsette.

- Variert arbeid i positive miljø.

- Faglege utfordringar og utvikling som fagperson.

- Tilsetjing etter kommunalt avtaleverk.

- Gode pensjons- og forsikringsordningar

 

Vi ønskjer eit arbeidsmiljø prega av mangfald, og at våre tilsette skal spegla folkesetnaden elles. Vi oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Vi legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt  EasyCruit.