Ved NAV-kontoret samarbeider stat og kommune om tenestetilbodet til innbyggjarane i kommunen. NAV Austevoll har i alt 6 faste tilsette, - 2 statlege og 4 kommunale, inkludert flyktningtenesta som er organisert i NAV-kontoret. Vi er opptekne av å gje brukarane våre fagleg gode tenester, tenester som er utforma i samhandling med brukar og i samarbeid med aktuelle samarbeidsinstansar i og utanfor kommunen. NAV Austevoll har eit godt arbeidsmiljø og er i stadig utvikling for å bidra til at fleire kjem i arbeid og aktivitet, til gode velferdstenester og til eit sterkt sosialt tryggingsnett.

Grunna fleire oppgåver og auka saksmengd vil me no tilsette konsulent i 100% engasjement i førebels 1 år.

Vi tilbyr:
• Spennande og meiningsfylte oppgåver ved eit NAV-kontor som har fokus på fagleg kvalitet og utvikling, god brukaroppfølging og godt arbeidsmiljø
• Rettleiing frå erfarne medarbeidarar og relevante kurs for å møta nye oppgåver og metodar
• Kommunal tilsetting, med løn etter kvalifikasjonar
• Gode pensjons- og forsikringsordningar gjennom KLP

Arbeidsoppgåver:
• Rettleiing og sakshandsaming etter sosialtenestelova og integreringslova
• Arbeidsretta oppfølging/oppfølging av brukarar i kvalifiseringsprogram
• Vere del av betening i publikumsmottak, med rettleiing på NAV sine ulike tenesteområde
• Samarbeide med andre kommunale tenester og andre samarbeidspartar, jf. Oppvekstreform, kvalifiseringsprogram og busetting av flyktningar

Kvalifikasjonar:
• 3-årig høgskuleutdanning (bachelor) fortrinnsvis innan sosialt arbeid, helse, økonomi, jus
• Annan høgskuleutdanning (minimum bachelor) kan kome i betraktning dersom søkjar har relevant erfaring frå arbeid i NAV og/eller liknande arbeid med forvaltning og oppfølging av menneske
• Gode norskkunnskapar, både munnleg og skriftleg
• Førarkort for personbil

Personlege eigenskapar:
Søkjar må vere personleg eigna til stillinga. Vi søkjer deg som har
• Stor arbeidskapasitet, er nøyaktig og har evne til å arbeide målretta - sjølvstendig og i team
• Stor interesse for fagfeltet, og har eit positivt menneskesyn
• Evne til rettleiing og sakshandsaming på krevjande fagområde
• Kjennskap til kommunen og næringsliv vil vere ein fordel

Nærare opplysingar om stillinga får du ved å kontakte NAV-leiar Lillian Mjelde Østervold på tlf. 928 32 066 eller e-post Lillian.Ostervold@austevoll.kommune.no
SØKNADSFRIST: 15.08.2022