Førde bu- og miljøteneste, eining 3, yt døgnkontinuerleg tenester til personar med psykisk utviklingshemming som treng langvarige og koordinerte tenester. Dette inneber støtte og opplæring knytt til dagleglivet sine funksjonar som hygiene, ernæring og sosiale ferdigheiter. Støtta inneber også hjelp til å handtere og meistre somatiske og psykiske vanskar.

Vi har ledige stillingar i langvakt- turnus: 

1 x 80 % - 100 % fast stilling  for helsefagarbeidar

Tredelt turnus med langvakter (12,5 t) kombinert med nokre nattevakter, arbeid 4 kvar helg.

1 x 25 % fast helgestilling for helsefagarbeidar

Langvakt- turnus med sovande nattevakt, arbeid 3. kvar helg.

Stillingane er ledige frå ca 15. august eller etter nærare avtale.

Arbeidsoppgåver: 

• yte god omsorg for brukarane våre
• oppfølging av brukarar med fokus på aktivisering, miljøterapi og daglege gjeremål
• bidra til å skape ein trygg atmosfære med omsorg, støtte, struktur og gode grenser for kvar enkel brukar
• praktiske oppgåver og førefallande arbeid
• oppgåver knytt til primærkontakt
• tett samarbeid med pårørande, verje og andre tverrfaglege instansar

Kvalifikasjonar: 

• norsk autorisasjon som helsefagarbeidar
• førarkort kl. B
• meistre godt norsk munnleg og skriftleg
• personleg eigenskapar vert vektlagt
• evne til samspel med brukarar, pårørande, kollegaer og andre vi samarbeider med
• vere ein trygg og tydeleg vaksen person som set grenser på ein omsorgsfull måte
• politiattest må leverast før start i stilling

Vi søker deg som:

• vil bidra positivt til eit fagleg og kollegialt godt miljø
• er punktleg og påliteleg
• trivast i ein aktiv kvardag og har evne til endring
• syner fagleg tryggleik, tillit og respekt
• behandlar brukarar og pårørande  profesjonelt og empatisk
• er løysingsorientert og sjølvstendig
• er i stand til å ta i mot rettleiing i frå leiar og ansvarshavande
• er god på tverrfaglig samarbeid – her må ein gje og ta
• har fokus på å skape trivsel på jobb

Vi tilbyr: 

• god opplæring
• høgt fagleg nivå med varierande utfordringar, med rettleiing frå spesialisthelsetenesta ved behov
• ein travel arbeisplass med inkluderande miljø der folk trivast på jobb.
• lønn i samsvar med gjeldande overeinskomst
• gode pensjons- og forsikringsordningar
• IA-avtale

Velkomen som søkar!

Du må søke elektronisk.