Er du glad i å få ting til å skje? Er du glad i å jobbe med aktive og engasjerte menneske?

Då har Vaksdal kommune jobben for deg. Vi søkjer etter frivilligkoordinator til 100% fast stilling.

Vaksdal frivilligsentral er organisert i Avdeling kultur og inkludering, og har mange felles oppgåver i lag med kollegaer innan avdelinga. Eit hovudmål er å samarbeide tverrfagleg innan avdelinga og med andre tenester i kommunen.

Vaksdal kommune er oppteken av å leggje til rette for og vere ein samarbeidspartner for frivilligheita. For å hjelpe oss med dette søkjer vi ein engasjert og entusiastisk koordinator som kan binde saman dei som treng noko og dei som ønskjer å bidra.

Arbeidsstad

Kontorplass på Dale. Aktivitetar i heile kommunen. Rapporterar til avdelingsleiar for kultur og inkludering.

Skildring

Vaksdal frivilligsentral skal:

• Utvikle og forsterke samarbeidet mellom kommunen – lag og organisasjonar – andre frivillige.
• Leggje til rette for og vere initiativtakar til nye aktivitetar
• Vere ein ressursbase for frivillige
• Setje fokus på og framheve det som finst av frivillig arbeid
• Vere ein ressurs for frivillige lag og organisasjoner, særleg med tanke på råd og bistand av administrativ art
• Vere oppdatert og informativ om spørsmål knytta til kommunen sine ulike lag og organisasjonar
• Marknadsføre det frivillige arbeidet som finst i heile kommunen
• Vere eit positivt innslag for alle som bur i kommunen

Oppgåvene vil vere mange og varierte og du vil mellom anna få ansvar for å planlegge og følgje opp aktivitetar i BUA, Ung Vaksdal og lokale initiativ. I tillegg skal du samarbeide om Datahjelpa, Innsats for andre, aktivitetsvennprosjektet, Natteravnar m.m. Det handlar altså om kontakt med innbyggjarar i alle aldrar.

Krav til kompetanse

• Relevant høgare 3-årig utdanning, innan til dømes pedagogisk, humanistisk, kulturfagleg eller sosialfagleg retning. Brei og allsidig relevant erfaring kan kompensere for utdanningskravet
• Har kjennskap til frivilligheit
• Ynskjeleg med erfaring frå prosjektarbeid eller liknande arbeidsområde
• Ynskjeleg med erfaring frå tverrfagleg samarbeid 
• God digital kompetanse
• God skriftleg og munnleg formuleringsevne

Personlege eigenskapar
Vi søkjer deg som:

• Kommuniserer og samarbeider godt med ulike menneske i alle lag
• Du er omgjengeleg og sosial – ein relasjonsbyggjar som kan bygge nettverk
• Evnar å arbeide sjølvstendig, strukturert og målretta
• Er påliteleg og stabil med høg gjennomføringsevne. Du kan organisere og tilrettelegge for arrangement og oppdrag.

Personlege eigenskapar vert vektlagt.

Vaksdal kommune kan tilby

• Spanande og meiningsfylte arbeidsoppgåver
• Fagleg og personleg utvikling, med høve til å påverke eigen arbeidskvardag
• Kompetente medarbeidarar og eit levande og inkluderande arbeidsmiljø
• Løn etter avtale. Fleksitidsordning. 
• Gode pensjons- og forsikringsordningar

Slik søkjer du

Klikk på "send søknad" og følg vidare instruksjonar.
Har du søkt på stilling i Vaksdal via EasyCruit før er brukarnamn ofte e-posten du brukte.
Treng du hjelp, kan du venda deg til HR-rådgjevar: på e-post tiril.h.langhelle@vaksdal.kommune.no eller tlf 955 27 504