Bu- og aktivitetstenesta skal tilsette vernepleiarar og sjukepleiarar i faste stillingar

 

Bu- og aktivitetstenesta gir tilbod om mellon anna helsehjelp, praktisk bistand og opplæring, samt gir aktivitets- og arbeidstilbod til menneske med utviklingshemming og andre med særskilte hjelpebehov. Målet er å bidra med hjelp og rådgjeving slik at kvar enkelt opplever tryggleik og best mogleg livskvalitet.

I Bu- og aktivitetstenesta har vi ledig faste stillingar som miljøterapeutar.

 

Kort om stillingane

I tenesta er det seks ulike bufellesskap og eit aktivitetshus. Tenesta tilbyr avlasting for barn. I alle bufellesskapa aukar behovet for kompetanse og vi søker difor etter fleire miljøterapeutar som kan bistå tenestemottakarane våre.

Vi har behov for personell i ulike stillingsstorleikar. Stillingane inngår i turnus med arbeid på dag, kveld og helg. I enkelte stillingar inngår arbeid på natt. Grunna brukarbehov er det nødvendig å tilsette menn i nokre av stillingane, i andre er det nødvendig med kvinner.

 

Kvalifikasjonar

Stillingane er aktuelle for vernepleiarar, sjukepleiarar og andre med høgskuleutdanning, til dømes pedagogisk utdanning.

Helsefagarbeidarar, hjelpepleiarar og omsorgsarbeidarar kan vere aktuelt i enkelte av stillingane. Stillingar på helg kan høve godt for studentar som tek helse- og sosialfagleg eller pedagogisk høgskuleutdanning. Dei som er i gang med utdanning bes oppgje dette i søknaden.

Personleg eignaheit vil bli vektlagt.

 

Vi tilbyr

- utfordrande og varierte arbeidsoppgåver

- godt arbeidsmiljø og trivelege kollegaer

- gode pensjons- og forsikringsordningar

 

Tilsettingsvilkår

Vanlege kommunale tilsettingsvilkår og lønn etter tariff. Tilfredsstillande politiattest, ikkje eldre enn 3 månader, skal leggast fram før oppstart.

Det er krav om førarkort kl. B.

 

Søknad

Vi tek i mot elektronisk søknad på stilling. Søknader blir vurdert ut frå opplysningar søkarane hat lagt inn i søknadsskjemaet. Attestar og vitnemål kan lastast opp i søknadsskjemaet eller takast med til intervju.