Frå 1.1.2020  er det ledig 100% stilling som leiar av PPT kontoret i nye Sunnfjord kommune. PPT kontoret skal yte tenester til barnehagar og grunnskular i ein kommune med ca. 23 000 innbyggarar. Pedagogisk-psykologisk teneste er heimla i barnehagelova § 19c, og i opplæringslova § 5-6. PPT skal støtte barnehagar og skular i arbeidet med kompetanse- og organisasjonsutvikling slik at alle barn og unge får høve til å utvikle sitt læringspotensiale. I arbeidet med einskilde saker har PPT ansvar for å utgreie og ta standpunkt til om barn, unge og vaksne har behov for spesialpedagogisk hjelp eller spesialundervisning.  Det er utarbeidd eit prinsippdokument for det spesialpedagogiske arbeidet i Sunnfjord kommune. Målet er å redusere tal sakkunnige uttalar og einskildvedtak,  og arbeide for auka fokus på tilpassa opplæring i klasserommet. I utviklingsarbeidet vil PPT og leiar få ei viktig rolle. PPT kontoret har ca. 10 fagstillingar. I tillegg kjem leiar og merkantil tilsett i 100%. Dei tilsette har god og tverrfagleg samansett kompetanse.  PPT har i tillegg til dei fire kommunane ytt tenester til vidaregåande opplæring. Frå 1.1.2020 vil vidaregåande opplæring avslutte samarbeidet, og eit viktig arbeid blir å utvikle PPT si organisering og rolle i Sunnfjord kommune.  PPT har i dag eit kompetanseteam retta inn mot arbeidet i barnehage. Det er ønskeleg å utvikle teamet vidare.

Vi ser etter ein leiar som kan utvikle PPT vidare i tråd med prinsippdokumentet om auka fokus på tilpassa opplæring, og som kan vere pådrivar for å organisere PP -tenesta tilpassa behova i den nye kommunen.

Arbeidsoppgåver:

• ha overordna fag-, økonomi- og personalansvaret
• leie og utvikle tenesta i tråd med kommunen sin visjon og prinsipp
• bidra aktivt til tverrfagleg samhandling, eksternt og internt
• utvikle PPT vidare

Kvalifikasjonar:

• utdanning på master-/hovudfagsnivå innan pedagogikk, spesialpedagogikk, eller psykologi
• praksis frå barnehage, skule og/eller PPT
• relevant leiarerfaring

Vidareutdanning i leiing er ønskeleg og vert vektlagt ved tilsetting.

Vi ser etter deg som:

• har god forståing for PPT sitt oppdrag og ser tenesta i eit større perspektiv
• er resultatorientert og har evne til å gjennomføre tiltak
• er ein lagspelar og kan bygge tillit internt og eksternt
• kan tenke nytt i høve utvikling av tenesta og er open for nye perspektiv 
• kan bygge relasjonar og forsterke eksisterande

Vi tilbyr

• eit tverrfagleg- og godt fagmiljø
• gode stabs- og støttefunksjonar
• deltakar i rektor/leiar kollegiet
• deltaking på relevante kurs/konferansar

Dette er ei spennande stilling der du får vere ein aktiv deltakar i å utvikle PPT tenesta i ny kommune.

 

Velkomen som søkar!