Driftsleiar og teknisk ansvarleg - Ål kulturhus

Har du teknisk kompetanse, er allsidig og ryddig? Vi vil ha deg med på laget!

Ål kulturhus treg ein allsidig, dyktig og ryddig person med teknisk kompetanse i jobben som driftsleiar. Vi har eit allsidig program med alt frå konsertar, teater og dans til foredrag, møteverksemnd og seminarar. Eit flott hus med masse liv og røre.Kom og bli med på vårt dyktige team !

Ål kulturhus er eit regionalt kulturhus for heile Hallingdal. Huset har i alt tre amfisalar og er ein stor aktør på kino, scenearrangement, seminar og møteverksemnd. Ål Kulturhus har rundt 30 000 besøkande på kino og scenearrangement i eit normalt år, og vi ynskjer å levere høg kvalitet på alt vi gjer. Den store, nye satsinga på huset er SPRANG, ei nasjnal scene for produksjon og formidling av dans. Kulturskulen, biblioteket, frivilligsentralen, innvandrartenesta og vaksenopplæringa held også til i Ål kulturhus. I tillegg har vi Nesch-museet og Galleri syningen.

Arbeidsoppgåver

• Overordna ansvar for drift og vedlikehald av Ål kulturhus
• Ansvar for lyd,lys og anna teknisk utstyr
• Teknisk tilrettelegging og rigging til arrangement, produksjonar og møteverksemd
• Vedlikehald av teknisk utstyr og kontaktperson for serviceavtalar
• Ansvar for tekniske installasjonar, som brann- og alarmsystem og ventilasjon
• Ansvar for tekniske vakter

Arbeidstida er i hovudsak på dagtid, men ein må rekne med arbeid på kveld og i helg i samband med arrangement

Kvalifikasjonar

• Relevant teknisk utdanning, evt erfaring
• God og oppdatert innsikt innan AV-teknisk utstyr
• Erfaring frå offentleg innkjøp er ein fordel

Personlege eigenskapar

• Sjølvstendig og ansvarleg
• Gode samarbeidsevner
• Praktisk, løysningsorientert og kvalitetsbevisst
• Evne til å handtere fleire prosjekt samtidig og sette seg inn i nye ting
• God ordenssans

Send søknad via ledige stillingar, elektronisk søknad,på Ål kommune sine heimesider