Vi har ledig:

• 100 % fast stilling som miljøterapeut. Stillinga er for tida lagt til avdeling Geilneset 11.
• 68,5 % fast stilling på natt som miljøterapeut. Stillinga er knytt til både avdeling Geilneset 11 og avlastningsbustaden.
• 75% fast stilling som miljøterapeut i avlastningsbustaden på Geilneset 9.
• 71 % vikariat som miljøterapeut i avlastningsbustaden på Geilneset 9.

Bu- og aktivitetstenesta yter tenester til personar med ulike typar nedsett funksjonsevne. Tenestemottakarane er personar med funksjonsnedsetting som skuldast medfødde eller erverva tilstandar. Tenesta omfattar praktisk bistand, personleg hjelp, målretta miljøarbeid i heimen, sysselsetting , aktivisering og opplæring ved arbeidssenter/dagsenter, privat avlastning og avlastning i institusjon, støttekontakt og brukarstyrt personleg assistanse.

Geilneset er ei avdeling som gir heildøgnstilbod og avlastning til menneske med samansatte funksjonshemmingar i bustadar for born og vaksne.

Det er turnusarbeid med til ei kvar tid gjeldande turnus. Avdelinga har turnusordning med utvida arbeidstid  f.t. 14-timarsvakter med arbeid 3. kvar helg.

Stillingane er ledig frå snarast.

Kvalifikasjoner:

• Vi søkjer personar med treårig helse- eller sosialfagleg høgskuleutdanning, fortrinnsvis vernepleiar/ sjukepleiar.
• Det er ynskjeleg med kjennskap til/ erfaring frå arbeide med menneske med ulike hjelpebehov.
• Beherske målretta miljøarbeid og kunne tilrettelegge for ein god kvardag i og utanfor heimen.
• Vi søkjer etter personar som har erfaring med utfordrande åtferd.
• Primærkontaktansvar
• Målretta miljøarbeid med oppfølging og evaluering av tiltaksplan
• Erfaring og kjennskap til Helse og omsorgstenestelova Kap. 9.
• Relevant praksis og erfaring vert føretrekt.
• Krav om førarkort og politiattest.
• Datakunnskap
• Gode kunnskapar i norsk, både munnleg og skriftleg.
• Oppgje referanse.

Personlige egenskaper:

• Forutan gode og faglege kvalifikasjonar ser vi etter fleksible, stabile og pliktoppfyllande personar med ei god framferd som likar å arbeide med menneske.
• Du må vere ressurs og løysningsorientert, og ha evne til å arbeide både sjølvstending og i team.
• Du må kunne stå i og takle uførutsette handlingar.
• Arbeide systematisk etter dagleg arbeidsplan.
• Bidra til gode resultat gjennom felles mål, verdiar, tverrfagleg samarbeid og kompetanseheving.  
• Evne til å bidra til eit positivt arbeidsmiljø og fagmiljø er viktig.  

 Personlege eigenskapar vert vektlagd.

Vi tilbyr:

• Eit positivt arbeidsmiljø.
• Løn etter gjeldande tariff. Frå løna vert trekt 2% innskot til pensjonsordning.
• Tilsetting på vanlege kommunale vilkår.
• God opplæring med moglegheit for fagleg påfyll.