Barneverntenesta i Giske kommune er organisert i eining for barn, familie og helse. Andre tenester i eininga er helsestasjonen, PPT, legetenesta, fysio- og ergoterapitenesta, kommunepsykologen og psykisk helseteam for barn og unge, samt tildelingskontoret. Det er eit godt tverrfagleg samarbeid mellom tenestene i eininga og elles i kommuna, med fokus på barnets beste og tidleg innsats. Barneverntenesta har kontor på rådhuset på Valderøya med for tida gratis parkering og 10 minutt med bil frå Ålesund.

Barneverntenesta i Giske har 7 tilsette, der avdelingsleiar er næraste overordna og barnevernleiar i kommuna. Vi har eit høgt fagleg fokus og majoriteten av dei tilsette i tenesta har gjennomført sertifisering i foreldrerettleiingsprogramma COS-P og ICDP. Ein legg elles godt til rette for etter- og vidareutdanning samt anna relevant kompetanseutvikling. Giske kommune deltek i det interkommunale samarbeidet Barnevernvakta for Sunnmøre.  

Er du ein person som likar utfordringar, er strukturert, målretta og god på samarbeid? Kanskje er du på utkikk etter ein krevjande, men spanande og lærerik arbeidskvardag? Vi har eit ledig vikariat frå snarast t.o.m. 30.06.21, med moglegheit for forlenging.

I tillegg til formell utdanning og praksis vert det lagt vekt på personlege eigenskapar og at ein er skikka for stillinga.

Det er krav om politiattest av ny dato.

Den som blir tilsett må ha sertifikat og kunne disponere eigen bil.