Då er Ål rette plassen for deg! Søk på ei stillinga og bli med i vår leiarutvikling. Les meir. 

Me har to ledige stillingar som barnehagelærar i våre kommunale barnehagar i Ål kommune. Som barnehagelærar blir du med i pedagog-teamet vårt, og du blir tillagt oppgåver med gjennomføring av det pedagogiske arbeidet på di avdeling, samt ansvar for foreldrekontakt (samtalar m.m.) med deler av foreldregruppa knytt til avdelinga.

Torpo barnehage set leik og medverknad i fokus; der personalet arbeider tett på barna, for å bidra til trivsel, utvikling, leik og læring. Torpo barnehage er ein to-avdelings barnehage som ligg fint til sentralt på Torpo i Ål kommune. Barnehagen har eit stort og variert uteområde, med gode turalternativ og ein gapahuk i nærmiljøet.

Sando barnehage er ein to avdelings barnehage som ligg fint til utanfor sentrum i Ål kommune. Sentralt i det pedagogiske arbeidet er leik, læring, samspel og meistring. Satsingsområdet til barnehagen er friluftsliv.

Me søkjer

• inntil 100 % mellombels stilling som pedagogisk leiar eller barnehagelærar i Torpo barnehage 
  i perioden 01.01.2023 - 01.01.2024
• inntil 120 % fast stilling som barnehagelærar i Sando barnehage

Kvalifikasjonar

• krav om utdanning som barnehagelærar eller anna relevant godkjent utdanning
• dersom vi ikkje får søkjarar med barnehagelærar utdanning eller anna relevant utdanning kan andre søkjarar med barnefagleg bakgrunn eller friluftsutdanning være aktuelle

Personlege eigenskapar

Det vert lagt vekt på personlege eigenskapar. Me ynskjer søkjarar som:

• brenn for barnehageyrket og barnas beste
• har gode samarbeids- og kommunikasjonsevner
• likar å vere ute i all slags vêr, året rundt
• er løysningsorientert, fleksibel og lojal
• er ein leikande vaksen
• har evne til å skape engasjement og styrke barnas utvikling
• kan uttrykke seg godt på norsk, både skriftleg og munnleg

Me tilbyr

• ein barnehage med eit sterkt fagleg miljø
• engasjerte tilsette, ei stabil personalgruppe
• kompetanseheving felles for barnehagane i Ål kommune
• pensjonsordning KLP
• lønn etter gjeldande tariffavtale. Arbeidsforholdet er regulert av Hovudtariffavtala.

Politiattest

Den som vert tilsett må legge fram politiattest som ikkje er eldre enn tre månader. Den skal ikkje leggast med som vedlegg til søknaden, men skal sendast inn dersom det vert gjeve tilbod om stilling. Politiattesten vert makulert etter at den er nytta i samband med tilsettinga.

Send søknad

Bruk elektronisk søknad. Det vil vere aktuelt å kalle inn til fortløpande intervju før frist for søking går ut. Til intervjuet må du ta med attesterte kopiar av vitnemål og eventuelt tenesteattestar dersom desse ikkje er lagt inn i den elektroniske søknaden.

Søkjarar som ynsker å vere unnateke offentlegheit må grunngje dette særskilt. I samsvar med Offentleglova § 25 kan opplysningar om søkjarar bli offentleggjort sjølv om søkjaren har bede om ikkje å bli ført opp på søkjarlista, men dette vil du i så fall få varsel om.

 

Du er velkomen til å ta kontakt med oss om du har spørsmål til stillingane.