I samsvar med vedtak om ny skulestruktur skal alle ungdomsskuleelevane i Giske kommune samlast i nye Giske ungdomsskule. Skulen blir lokalisert på Valderøya med om lag 365 elevar. Det vert 4 klasser på 8. og 10. trinn og 6 klasser på 9.trinn. Leiargruppa er rektor og 3 avdelingsleiarar. Undervisningsdelen i stillinga er 40 %, men denne kan endrast ved behov. Arbeidsåret er normalarbeidsår med høve til avspasering etter avtale med rektor.

Skulen har ledig fast avdelingsleiarstilling frå snarast.

   
Bur det ein leiar i deg? Kunne du tenkje deg å bli ein del av nyeskulen si leiargruppe og jobbe med pedagogisk leiing, personalleiing og administrative oppgåver?

Leiargruppa har ilag ansvar for skulen si pedagogiske utvikling og resultat. Rektor vil fordele arbeidsoppgåvene mellom avdelingsleiarane ut frå kompetanse, erfaring og interessefelt. 

I tillegg til formell kompetanse blir personlege eigenskapar og at ein er skikka for stillinga vektlagt.

Gyldig politiattest må leggast fram. Administrasjons-/undervisningsmålet er nynorsk.

Løn etter avtale og kvalifikasjonar – god pensjonsordning i KLP

 

Dokumentasjon på utdanning og praksis skal sendast i lag med med søknaden.

Dersom du ønskjer å reservere deg frå oppføring på offentleg søkjarliste må du opplyse om og grunngje dette i søknaden din. Vi gjer ei konkret vurdering av ønskjet opp mot krav om offentlegheit. Opplysningar om søkjar kan bli offentleggjort sjølv etter ønskje om konfidensialitet, og søkjaren vil bli varsla på førehand om dette.

Kvalifikasjoner:

• Godkjent pedagogisk utdanning frå universitet / høgskule
• Relevant leiarutdanning er ønskjeleg – om ikkje du har leiarutdanning må du vere innstilt på å tileigne deg det innan få år – gjerne rektorskulen.
• Erfaring frå undervisning  - gjerne relevant leiarerfaring
  
• Kunnskap om relevant lovverk i tillegg til kunnskap om pedagogisk utviklingsarbeid og administrativt arbeid
• God digital kompetanse
• God skriftleg og munnleg framstillingsevne
• Førarkort for bil

Personlige egenskaper:

• Evne til å vere ein målretta, motiverande og tydeleg leiar som i lag med leiargruppa legg til rette for utvikling og læring
• Lyttande og har gode kommunikasjons- og samarbeidsevner – god relasjonskompetanse
• Evne til å arbeide ryddig og strukturert
• Evne til å jobbe heilskapleg og prioritere innsats og ressursar

Vi tilbyr:

• Elevar som er ein ressurs i læringsarbeidet
• Føresette som engasjerer seg i skulen, støttar og utfordrer
• Tilsette med kapasitet for elevsentrert utvikling og endring
• Samarbeid med fagleg engasjerte og kompetente tilsette og leiarkollegaer
  
  Giske kommune sine verdiar er: 
• Kvalitet - gjennom klar kommunikasjon, kompetanse og læring/utvikling
• Løsingsvilje - gjennom heilskapleg tenking, handlekraft og kreativitet
• Engasjement - gjennom meininsfylte oppgåver, trivsel og arbeidsglede
• Respekt - gjennom å vere imøtekomande, påliteleg og involverande