Mattilsynet er ein kunnskapsorganisasjon som legg stor vekt på kompetanseutvikling og å dele kunnskap på tvers av fagområde. Sentralt i organisasjonen står teamarbeid og medarbeiderskap. Som medarbeidar i Mattilsynet får du fagleg utvikling og kan påverke eigen arbeidssituasjon. I stillinga kan du som veterinær/fiskehelsebiolog bruke dine fagkunnskapar til å vurdere og forbetre fiskens levevilkår, og til å hjelpe oppdrettarane å legge til rette for at fisken skal ha det best mogleg. Mattilsynet er ein viktig samfunnsaktør og må heile tida vere i endring for å møte nye utfordringar. Arbeidsdagen din er fleksibel, og du er vel så mykje ute i felt som på kontoret. Rundt deg har du eit tverrfagleg og støttande arbeidsmiljø.